,
დედაქალაქის მერის, კახა კალაძის განცხადებით, უკვე მაისიდან სამგზავრო აბონემენტები საბანკო ბარათს მიებმება და მგზავრს ცალკე სამგზავრო ბარათის ტარება აღარ მოუწევს. ამის შესახებ კახა კალაძემ თბილისის მთავრობის დღევანდელ სხდომაზე განაცხადა.
„საზოგადოებას შევახსენებ, როდესაც საზოგადოებრივ ტრანსპორტში დავნერგეთ ვადიანი აბონემენტების სისტემა მაშინვე გავაკეთეთ განცხადება, რომ უახლოეს პერიოდში შესაძლებელი იქნებოდა ამ ვადიანი აბონემენტების საბანკო ბარათებზე მიბმა. მინდა, ინფორმაციის სახით მოგაწოდოთ, დღეის მდგომარეობით სხვადასხვა კატეგორიების 55 000-მდე აბონემენტია გაყიდული, ეს პროცესი გრძელდება, რაც ძალიან კარგი და მისალმებელია. რაც შეეხება თვითონ აბონემენტების მიბმას საბანკო ბარათზე, ამაზე ვიცე-მერი ირაკლი ხმალაძე მუშაობდა და უკვე მაისისთვის შესაძლებელი იქნება ამ პროექტის განხორციელება და პროგრამის ჩაშვება. აბონემენტები შესაძლებელი იქნება მიებას საბანკო ბარათს და მგზავრს აღარ მოუწიოს ცალკე სამგზავრო ბარათის ტარება, შესაძლებლობა ექნება მის საბანკო ბარათზე ჩაირთოს ნებისმიერი ვადიანი აბონემენტის პროგრამა, რაც ძალიან კარგია.
რა თქმა უნდა, დამატებით კიდევ მოგაწვდით ინფორმაციას, რომ იცოდეთ, ზუსტად თუ როდიდან იქნება ამ პროგრამის ამოქმედების შესაძლებლობა“, - განაცხადა კალაძემ.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
