,
პარტია “ქართული ოცნების” გენერალური მდივნის, კახა კალაძის განცხადებით, 2024 წლის საპარლამენტო არჩევნები ძალიან რთული არჩევნები იქნება.
მისივე თქმით, მაქსიმალური მობილიზაცია, ყურადღება არის საჭირო იმისთვის, რომ არჩევნები მაღალ დონეზე ჩატარდეს.
გარდა ამისა, კალაძე განმარტებით, აშშ-საპრეზიდენტო კანდიდატზე, დონალდ ტრამპზე თავდასხმა “ძალიან მძიმე ფაქტია”.
„რაც შეეხება აშშ-საპრეზიდენტო კანდიდატზე, დონალდ ტრამპზე თავდასხმა სრული კატასტროფაა, რაც ვიხილეთ. საარჩევნო კამპანიის დროს მცდელობა იყო პრეზიდენტობის კანდიდატის და ყოფილი პრეზიდენტის ლიკვიდაციის. საოცრებაა, ძალიან მძიმე ფაქტია.
რაც შეეხება ჩვენს არჩევნებს, ძალიან რთული არჩევნები იქნება იმიტომ, რომ ჩვენ ვიცით რა ძალასთან გვაქვს საქმე, ვინ არიან ეს ადამიანები და რას წარმოადგენენ. პირდაპირ შეიძლება ითქვას, რომ ყველა სიბინძურე და ბოროტება შეიძლება იკადრონ. ასევე, ყველაფერზე წამსვლელები არიან. ამიტომ მაქსიმალური მობილიზაცია, ყურადღება არის საჭირო იმისთვის, რომ არჩევნები მაღალ დონეზე ჩატარდეს”, - განაცხადა კალაძემ.
ამასთან, “ქართული ოცნების” გენერალური მდივნის თქმით, საზოგადოებას დღეს ძალიან მარტივი არჩევანია აქვს გასაკეთებელი - ერთ მხარეს არის მშვიდობა, სიმშვიდე, ქვეყნის ეკონომიკური განვითარება და მეორე მხარეს არის აგენტურა, მოღალატეები, ქვეყნის მტრები.
“ძალიან მარტივად შეიძლება ანალიზი, დღეს რა ვითარებაა? - ქვეყანაში გვყავს მოღალატეები, აგენტურა, სრული ამ სიტყვის მნიშვნელობით, რომელიც იმართება უცხო ძალებისგან, პირდაპირ რასაც ავალებენ - ქვეყნის საწინააღმდეგოც, რომ იყოს საერთოდ პრობლემა არ აქვთ, ყველაფრის გამკეთებლები და შემსრულებლები არიან. ეს ადამიანები არიან მომხრე იმისი, რომ ქვეყანაში მეორე ფრონტი იყოს. ჩვენ ხომ გვახსოვს ეს განცხადებები არასამთავრობო სექტორის მხრიდან, რომ გვეუბნებოდნენ, რომ “გვირჩევნია პრემიერ-მინისტრის განცხადების მოსმენას, ქვეყანაში ბომბები ცვიოდესო”. წარმოიდგინე, რა ტიპის და რა მსოფლმხედველობის ადამიანებთან გვაქვს საქმე. შესაბამისად, საზოგადოება, ყველა ჯანსაღად მოაზროვნე ადამიანი გააკეთებს სწორ არჩევანს. ერთ მხარეს არის მკვლელები, მოძალადეები, ბოროტები - თუ კი რაიმე სიბინძურე შეიძლება ადამიანმა მოიფიქროს ყველაფრის მკადრებლები არიან. ეს უბრალოდ ვირტუალობა არ არის, ეს გაკეთებული აქვთ, როდესაც ხელისუფლებაში იყვნენ ამას აკეთებდნენ. დღეს ოპოზიციაში იმავეს იმეორებენ და აკეთებენ. საზოგადოებას აჩვენებენ, როგორი არ უნდა იყოს ოპოზიცია, ამიტომ დღეს ყველაზე მარტივი არის გასაკეთებელი არჩევანი. ორი არჩევანი გვაქვს: ერთ მხარეს არის მშვიდობა, სიმშვიდე, ქვეყნის ეკონომიკური განვითარება, წინსვლა, აღმშენებლობა, განვითარება და მეორე მხარეს არის აგენტურა, მოღალატეები, ქვეყნის მტრები, ბოროტები, მოძალადეები”, - აღნიშნა კალაძემ.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
