,
კახა კალაძემ საზოგადოებრივი ტრანსპორტის ადღგენის სავარაუდო დრო დაასახელა. თბილისის მერმა ჟურნალისტებს განუცხადა, რომ ტრანსპორტი მუშაობას, სავარაუდოდ, ივნისის დასაწყისში განაახლებს.
კახა კალაძემ სიცრუე უწოდა ინფორმაციას, რომ ეს შეზღუდვა თითქოს 15 ივლისამდე იმოქმედებს.
„ეს არის ცრუ ინფორმაცია. სავარაუდოდ, ივნისის დასაწყისში მოხდება საზოგადოებრივი ტრანსპორტის მოძრაობის აღდგენა... დღეს საკოორდინაციო საბჭოს სხდომა გაიმართა, სადაც პირადად მე დავსვი საზოგადოებრივი ტრანსპორტის ამუშავების საკითხი, რადგან ძალიან დიდი მოთხოვნა საზოგადოებაში. ველოდებით მითითებებს, ჯერ არანაირი მითითება არ არის ჩვენთან შემოსული. თუ როგორ უნდა იყოს წესები საზოგადოებრივ ტრანსპორტის მუშაობის დროს, ხალხმა როგორი წესებით უნდა ისარგებლოს ავტობუსით, მეტროთი, მიკროავტობუსით მგზავრობის დროს და ა.შ. ჩვენ გვაქვს სრული მზადყოფნა, როგორც ამას წინა დღეების განმავლობაში ვლაპარკობდი. მე კარგად მესმის არსებული ეპიდემიოლოგიური მდგომაროება, კარგად მესის სიფრთხილე, თუმცა როცა გადაწყვეტილება იქნება მიღებული, დედაქალაქის მერია, შესაბამისი სამსახურები სრულ მზადყოფნაში არიან იმისთვის, რომ საზოგადოებრივი ტრანსპორტი მოემსახუროს ქალაქის მოსახლეობას. მზად ვართ იმისთვის, რომ ახლა ვუთხრათ შესაბამის სამსახურს, მძღოლები დასხდებიან და გამოვლენ, მოემსახურებიან თბილისის მოსახლეობას”
რაც შეეხება დამატებითი რესურსის არსებობის შესახებ შეკითხვას, თბილისის მერის განმარტებით, ეს რესურსი არის.
„ჩვენ დაახლოებით 700-მდე ავტობუსი გვყავს. აქედან 500 გასულია და ცხოვრების ნორმალურ პირობებში ემსახურება მოსახლეობას და თუ ამის საჭიროება იქნება, სათადარიგო ავტობუსებიც დაემატება“, - განაცხადა კახა კალაძემ.
