თბილისის მერიის გარემოს დაცვის საქალაქო სამსახურმა ვარკეთილში, ხომლელისა და აბაშვილის ქუჩების მიმდებარედ სამ ჰექტრამდე პარკის სარეაბილიტაციო სამუშაოები დაასრულა.
მუნიციპალიტეტის მთავრობის სხდომაზე დედაქალაქის მერმა აღნიშნა, რომ პარკის ტერიტორიაზე განახლდა საფეხმავლო ბილიკები, განთავსდა საპარკე ინვენტარი, მოეწყო გარე განათების სისტემა, საბავშვო და სპორტული მოედნები, ვიდეომეთვალყურეობის სისტემა და ფანჩატურები.
ტერიტორიაზე გამწვანებისთვის საჭირო ყველა ღონისძიება განხორციელდა: დაირგო სხვადასხვა სახეობის 5 524 მწვანე ნარგავი, მოეწყო სარწყავი სისტემა, 15 950 კვადრატულ მეტრ ფართობზე დაითესა ბალახი და ტერიტორიაზე შევიდა ნოყიერი მიწის ნაზავი. გარდა ამისა, მინი ფეხბურთის სტადიონს ჩაუტარდა რეაბილიტაცია, დამატებით კი მინი კალათბურთის მოედანი მოეწყო.
სამუშაოების ღირებულება 4 543 205 მილიონ ლარს შეადგენს.