,
უახლოეს პერიოდში, თბილისის მასშტაბით რეკლამების განთავსების უფლების თაობაზე აუქციონი გამოცხადდება, - ამის შესახებ თბილისის მერმა, კახა კალაძემ ქალაქის მთავრობის სხდომის დაწყებამდე განაცხადა.
მისი თქმით, უფლება მოიცავს 15 წლის განმავლობაში მუნიციპალიტეტის ტერიტორიაზე რეკლამის განთავსებას და აქედან შემოსავლის მიღებას აუქციონში გამარჯვებული პირისთვის.
„აუქციონის პირობებზე მუშაობა რამდენიმე თვეა მიმდინარეობს და დაინტერესებულ პირებთან არაერთი შეხვედრა გაიმართა. მინდა, კიდევ ერთხელ მოვუწოდო ბიზნეს სექტორს, ამ სფეროში მოღვაწე და სხვა დაინტერესებულ სუბიექტებს, გაეცნონ აუქციონის პირობებს, რომელიც უახლოეს დღეებში ვებგვერდზე განთავსდება და დაინტერესების შემთხვევაში მიიღონ მონაწილეობა. აუქციონი 30 დღის განმავლობაში იქნება გამოცხადებული და ამ ვადის განმავლობაში მზად ვართ, მოგაწოდოთ ინფორმაცია დამატებითი კითხვების შემთხვევაში“, - განაცხადა კახა კალაძემ.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
