,
თბილისის მერმა კახა კალაძემ დედაქალაქის მთავრობის დღევანდელ სხდომაზე დაგეგმილ ინფრასტრუქტურულ პროექტებზე ისაუბრა და აღნიშნა, რომ წელს თბილისში რამდენიმე მნიშვნელოვანი პროექტი განხორციელდება. მისი თქმით, ნაძალადევის რაიონში მოხდება მანჯგალაძის ქუჩის სრული რეაბილიტაცია. ასევე, კალაძის განმარტებით, ისნის რაიონში იგეგმება ქეთევან დედოფლის გამზირის სრული რეაბილიტაცია.
„მინდა ასევე შევეხო ინფრასტრუქტურულ პროექტებს. იცით, რომ 2020 წლის დასაწყისში ვსაუბრობდით ძალიან ბევრ, კარგ, მნიშვნელოვან და მასშტაბურ სამუშაოებზე, თუმცა, პანდემიის გამო, ბევრი პროექტის გადადება და პრიორიტეტების გადახედვა მოგვიწია. თუმცა, 2021 წელს გარკვეულწილად გვაქვს იმის შესაძლებლობა, რომ დავიწყოთ იმ პროექტების განხორციელება, რომელიც 2020 წელს იყო დაგეგემილი, მინდა ამ პროექტებთან დაკავშირებით მოგახსენოთ: ნაძალადევის რაიონში მოხდება მანჯგალაძის ქუჩის სრული რეაბილიტაცია, რომელიც კატასტროფულ მდგომარეობაშია ამ სიტყვის პირდაპირი მნიშვნელობით. განსაკუთრებით მიწისქვეშა კომუნიკაციები, რომელიც კრიტიკას ვერ უძლებს. მგონი ყველანაირი ფუნქციონირების ვადა ამოწურული აქვს, ავარია ავარიაზე ხდება და სერიოზულ პრობლემას წარმოადგენს. მთლიანად შეიცვლება კომუნიკაციები, საგზაო ინფრასტრუქტურა მოწესრიგდება თავისი განათებებით და გამწვანებით. ასევე, მინდა გითხრათ, რომ ისნის რაიონში იგეგმება ქეთევან დედოფლის გამზირის სრული რეაბილიტაცია. უახლოეს მომავალში გამოვაცხადებთ ტენდერს უშუალოდ სამუშაოებზე. ამ პროექტის ფარგლებში ძირეულად შეიცვლება ინფრასტრუქტურა და განახლდება“,-განაცხადა კალაძემ.
მისი თქმით, ასევე იგეგმება კიდევ ერთი პროექტი, რომელიც ჭაბუა ამირეჯიბის გზატკეცილსა და ყიფშიძის ქუჩას დააკავშირებს. „მინდა ასევე გითხრათ ერთ პროექტზე, რომელიც წელს განხორციედება, დღეს მიმდინარეობს პროექტზე მუშაობა. ეს არის ჭაბუა ამირეჯიბის გზატკეცილისა და ყიფშიძის ქუჩის დამაკავშირებელი ახალი გზა. ამ პროექტის განხორციელების შესაძლებლობა არის. როგორც კი პროექტი მზად იქნება, მაშინვე გამოვაცხადებთ ტენდერს სამუშაოებზე“,-განაცხადა კალაძემ.
თბილისის მერის თქმით, ასევე უნივერსიტეტის ქუჩისა და ბაგების დამაკავშირებელი ხიდის მშენებლობა იგეგმება.
„ასევე მინდა ვისუბრო ერთ ძალიან მაგარ პროექტთან დაკავშირებით, რომლის განხორციელებასაც წელს ვიწყებთ. პროექტი გამზადებული გვაქვს, უახლოეს დღეებში გამოვაცხდებთ ტენდერს უშუალოდ სამუშაოებზე, ეს არის უნივერსიტეტის ქუჩისა და ბაგების დამაკავშირებელი ხიდის მშენებლობა. ძალიან მნიშვნელოვანი პროექტია ქალაქისთვის“,-აღნიშნა კალაძემ.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
