,
იტალია პუტინის ენერგეტიკულ შანტაჟს არ აყვება და გააგრძელებს უკრაინის მხარდაჭერას. ამის შესახებ იტალიის პრემიერ-მინისტრმა ჯორჯია მელონიმ პარლამენტში სიტყვით გამოსვლისას განაცხადა.
“ენერგეტიკაში პუტინის შანტაჟს აყოლა პრობლემას არ მოაგვარებს, არამედ მხოლოდ გაართულებს მას, ვინაიდან, გზას გახსნის სამომავლო მოთხოვნებსა და შანტაჟისთვის”, - განაცხადა მელონიმ.
მან ასევე ხაზგასმით აღნიშნა, რომ იტალია გააგრძელებს უკრაინისა და რუსეთის საწინააღმდეგო სანქციების მხარდაჭერას.
მელონის თქმით, მისი მთავრობა დახმარებას გაუწევს იმ ოჯახებსა და კომპანიებს, რომლებიც ენერგეტიკულმა კრიზისმა დააზარალა და აღნიშნა, რომ ამ ნაბიჯის მაღალი ფასი ნიშნავს იმას, რომ მის ადმინისტრაციას, შესაძლოა, მოუწევს ზოგი წინასაარჩევნო პირობის შესრულების გადადება.
უკრაინის პრეზიდენტი ვოლოდიმირ ზელენსკი ევროპის პოლიტიკური გაერთიანების სამიტზე დასასწრებად სომხეთის დედაქალაქ ერევანში ჩავიდა, - ინფორმაციას უკრაინული მედია პრეზიდენტის პრესსპიკერზე სერგეი ნიკიფოროვზე დაყრდნობით ავრცელებს.
ნიკიფოროვის განცხადებით, იგეგმება უკრაინის პრეზიდენტის შეხვედრა ნორვეგიის, ფინეთის, გაერთიანებული სამეფოს და ჩეხეთის პრემიერ-მინისტრებთან.
პრეზიდენტის პრესსპიკერის თქმით, სამიტი ორდღიანია და შესაბამისად, ორმხრივი და მრავალმხრივი შეხვედრები ღონისძიების მეორე დღესაც გაგრძელდება.
