,
აშშ-ს პრეზიდენტმა ჯო ბაიდენმა თეთრ სახლში გამოსვლისას კონგრესს მომდევნო ხუთი თვის განმავლობაში 33 მილიარდი აშშ დოლარი (27 მილიარდი ფუნტი) უკრაინისთვის სამხედრო, ეკონომიკურ და ჰუმანიტარულ დახმარების აღმოსაჩენად სთხოვა.
პაკეტი მოიცავს 20 მილიარდ დოლარზე მეტი ღირებულების სამხედრო დახმარებას, 8 მილიარდი დოლარის ეკონომიკურ დახმარებას და 3 მილიარდ დოლარს ჰუმანიტარული დახმარებისთვის.
მისი თქმით, ახლა კრიტიკულად მნიშვნელოვანია კონგრესის მიერ დამატებით 33 მილიარდი დოლარის (27 მილიარდი ფუნტი) დაფინანსების დამტკიცება.
ბაიდენის განცხადებით, თეთრმა სახლმა თითქმის ამოწურა უფლებამოსილება, რომელიც კონგრესმა უკრაინას გასულ თვეში მისცა.
”ჩვენ არ გვაქვს ფული - ამიტომ დღეს, უკრაინის შესანარჩუნებლად, კონგრესს ვუგზავნი დამატებით საბიუჯეტო მოთხოვნას, რათა შევინარჩუნოთ იარაღისა და საბრძოლო მასალის მიწოდება უკრაინაში და გავაგრძელოთ ეკონომიკური და ჰუმანიტარული დახმარების მიწოდება“ , - განაცხადადა ბაიდენმა.
მისი განცხცხადებით, ”ეს დაფინანსება უახლოეს კრიტიკულ თვეებში სამხედრო საჭიროებებს ითვალისწინებს და რუსული აგრესიის შესაჩერებლად უსაფრთხოების გრძელვადიან შეკავებაზე ტრანზიციას გულისხმობს”.
ბაიდენმა აღნიშნა, რომ უკრაინის მხარდაჭერა "არ არის იაფი", მაგრამ აშშ არ შეუძლია ,,უმოქმედოდ ყოფნა“.
პრეზიდენტის განცხადებით, შეერთებულმა შტატებმა უკრაინაში უკვე გაგზავნა 50 მილიონზე მეტი ღირებულების აღჭურვილობა და ასევე უზრუნველყო 10 ჯავშანსაწინააღმდეგო სისტემა უკრაინაში მდებარე თითოეული რუსული ტანკისთვის.
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
