,
აშშ-ის პრეზიდენტი ჯო ბაიდენი ქვეყანაში "საშიში" ოლგარქიის ფორმირების საფრთხეებზე საუბრობს. ამის შესახებ მან გამოსამშვიდობებელ სიტყვით მიმართვაში გაამახვილა ყურადღება.
"დღეს, ამერიკაში უკიდეგანო სიმდიდრის, ძალაუფლების და გავლენების ოლიგარქია ყალიბდება, რაც საფრთხეს უქმნის ჩვენს მთლიან დემოკრატიას, ფუნდამენტურ უფლებებსა და თავისუფლებას", - განაცხადა ბაიდენმა.
ცნობისთვის, მსოფლიოს უმდიდრესი ადამიანი, ილონ მასკი ტრამპთან დაახლოებული პირია, რომელიც ტრამპის კამპანიას უზარმაზარი ფინანსური მხარდაჭერით უზრუნველყოფდა. სხვა ტექნოლოგიური კომპანიების დამფუძნებლები, ჯეფ ბეზოსი და მარკ ცუკერბერგიც ცდილობენ ტრამპთან ურთიერთობის გაუმჯობესებას.
ბაიდენის თეთრ სახლში უფლებამოსილების ვადის ამოწურვამდე რამდენიმე დღე დარჩა. მას შემდეგ, რაც მისი შემცვლელის, დონალდ ტრამპის ინაუგურაცია 20 იანვარს გაიმართება, ბაიდენი თეთრ სახლს დატოვებს.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
