,
აშშ-მა ბელარუსში არსებულვითარებაზე პასუხისმგებელ პირებს დამატებითი სანქციები დაუწესა. ამის შესახებ თეთრი სახლი ვებგვერდზე გამოქვეყნებულ ინფორმაციაშია ნათქვამი.
სანქციების მსხვილი პაკეტი გულისხმობს ბელარუსი ოფიციალური პირებისთვის და კომპანიებისთვის აქტივების დაბლოკვას, ფინანსური საქმიანობების შეჩერებას და აშშ-ში მიმოსვლაზე შეზღუდვას.
„ბელარუსიის რეჟიმის მავნე საქმიანობა და ხანგრძლივი დარღვევები, რომლებიც მიმართულია ბელარუსში დემოკრატიის და ადამიანის უფლებებისა და ძირითადი თავისუფლებების განხორციელების ჩახშობისკენ, მათ შორის უკანონო და ჩაგვრითი ქმედებები, რომელიც მომდინარეობს 2020 წლის 9 აგვისტოს, ბელარუსიის გაყალბებული საპრეზიდენტო არჩევნებიდან და მის შემდგომ, როგორიცაა პოლიტიკური ოპოზიციისა და სამოქალაქო საზოგადოების ორგანიზაციების ჩახშობა, ასევე რეჟიმის მხრიდან საერთაშორისო სამოქალაქო საჰაერო მიმოსვლისთვის საფრთხის შექმნა, წარმოადგენს უჩვეულო და ექსტრაორდინალურ საფრთხეს შეერთებული შტატების ეროვნული უსაფრთხოების და საგარეო პოლიტიკისათვის“, - ნათქვამია ჯო ბაიდენის განცხადებაში.
