,
აშშ-ის ვიცე-პრეზიდენტმა, ჯეი დი ვენსმა ვოლოდიმირ ზელენსკი გააფრთხილა, თავი შეიკავოს დონალდ ტრამპზე თავდასხმისგან და აღნიშნა, რომ მისი საჯაროდ გაკრიტიკება უკუშედეგს გამოიღებს.
ვენსი ბრიტანულ გამოცემა Daily Mail-ს ესაუბრა მას შემდეგ, რაც უკრაინის პრეზიდენტმა, ვოლოდომირ ზელენსკიმ დაადანაშაულა ტრამპი რუსეთის წარმოებულ „დეზინფორმაციულ სივრცეში“ ყოფნაში.
„იდეა, რომ ზელენსკი პრეზიდენტის აზრს შეცვლის მისი საჯაროდ გაკრიტიკებით მედიაში, მცდარია - ვინც კი იცნობს პრეზიდენტს, გეტყვით, რომ ეს საშინელი მიდგომაა ამ ადმინისტრაციასთან ურთიერთობისთვის“, - აღნიშნა აშშ-ის ვიცე-პრეზიდენტმა.
„ჩვენ გვიყვარს უკრაინელი ხალხი. ჩვენ აღფრთოვანებულნი ვართ [უკრაინელი] ჯარისკაცების სიმამაცით, მაგრამ ვფიქრობთ, რომ ეს ომი სწრაფად უნდა დასრულდეს. ეს არის შეერთებული შტატების პრეზიდენტის პოლიტიკა. ეს არ ემყარება რუსულ დეზინფორმაციას. ეს ეფუძნება იმ ფაქტს, რომ დონალდ ტრამპმა, ვფიქრობ, ბევრი რამ იცის გეოპოლიტიკის შესახებ და აქვს ძალიან ძლიერი შეხედულება“, - დასძინა მან.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
