,
აშშ-ის ვიცე-პრეზიდენტმა, ჯეი დი ვენსმა Fox News-თან ინტერვიუს დროს განაცხადა, რომ რუსეთს არ შეუძლია იმედი ჰქონდეს, რომ გადასცემენ ტერიტორიებს, რომლებიც მას ჯერ არც კი დაუპყრია.
უკრაინულ კრიზისზე საუბრისას ვენსმა აგრეთვე აღნიშნა, რომ უკრაინას ზავის მიღწევა სურს იმის გათვალისწინებით, რომ ბოლო რამდენიმე თვე მათთვის მარტივი არ იყო.
„ჩვენ ვიცოდით, რომ რუსეთი მოითხოვდა ზედმეტად ბევრს, რადგან ის ფიქრობს, რომ ომში იმარჯვებს. რა თქმა უნდა, უკრაინელებს სურთ ზავის მიღწევა, მით უფრო, რომ ბოლო რამდენიმე თვე მათთვის მარტივი არ იყო. ჩვენი პოზიცია უცვლელია. არ გვსურს უკრაინის მარცხი. უკრაინა უნდა დარჩეს სუვერენულ სახელმწიფოდ. ამასთან, რუსეთს არ შეუძლია იმედი ჰქონდეს, რომ გადასცემენ ტერიტორიებს, რომლებიც მას ჯერ არც კი დაუპყრია. სწორედ ამას გვთავაზობდა ის თავდაპირველ სამშვიდობო გეგმაში“, - თქვა ვენსმა.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
