Amazon-ის დამფუძნებელი და მსოფლიოში ყველაზე მდიდარი ადამიანი, ჯეფ ბეზოსი, დღეს კოსმოსში გაფრინდება. 

ფრენა New Shepard-ის კოსმოსური ხომალდით განხორციელდება, რომელიც ბეზოსის კომპანიამ, Blue Origin-მა ააშენა.

თუ ყველაფერი კარგად ჩაივლის, ბეზოსი მეორე "კოსმოსური მილიარდერი" გახდება, რომელიც თავისი კომპანიის ხომალდით სტრატოსფეროს კიდეზე გაფრინდება.

Blue Origin-ის განცხადებაში აღნიშნულია, რომ მილიარდერთან ერთად კოსმოსში ყველაზე ახალგაზრდა, 18 წლის და ყველაზე ასაკოვანი, 88 წლის ასტრონავტები გაფრინდებიან.

კომპანიამ Blue Origin შექმნა სპეციალური ხომალდი, რომელმაც კოსმოსში უკვე 15 საცდელი გაფრენა შეასრულა. კოსმოსური ხომალდი სახელწოდებით New Shepard, დედამიწის ორბიტაზე კაფსულით 6 მგზავრს აიყვანს, სადაც, ის უწონადობის პირობებში 10 წუთის განმავლობაში იქნება. ამის შემდეგ, ხომალდი ისევ დედამიწაზე დაბრუნდება. საბოლოო ჯამში, გაფრენა მოიცავს 40 წუთს. გაფრენა 2024 წლისთვის იგეგმება.

კომპანია Blue Origin საკმაოდ მძლავრი აერო-კოსმოსური სააგენტოა, რომელიც ილონ მასკის პროექტებს უწევს კონკურენციას. ასევე, ჯეფ ბეზოსი, ასტრონავტებს მთვარეზე სამოგზაუროდ საკუთარ - Blue Moon კონტრაქტს სთავაზობს.