,
ფინეთი ოფიციალურად გახდა ნატოს სრულუფლებიანი, 31-ე წევრი სახელმწიფო. ამის შესახებ პოლონეთის პრეზიდენტმა მატეუშ მორავეცკიმ განაცხადა.
"ფინეთი უკვე ნატოშია! გილოცავთ! ამიერიდან ალიანსში 31 ქვეყანაა. ძლიერი პარტნიორები არიან გარანტი პოლონეთის, რეგიონისა და მთელი მსოფლიოს უსაფრთხოებისთვის", - წერს ტვიტერში პოლონეთის პრეზიდენტი.
ისტორიული დღეა ფინეთისთვის, მინდა მადლობა გადაგიხადოთ ნატო-ს ყველა მოკავშირეს, ნატო-ში გაწევრიანების პროცესში დიდი მხარდაჭერისთვის, - ამის შესახებ ფინეთის საგარეო საქმეთა მინისტრმა, პეკა ჰავისტომ განაცხადა.
„ჩვენ ახლა ნატოს ერთ-ერთი წევრი ქვეყანა ვართ, მოხარული ვართ, რომ თქვენთან ვართ“, - განაცხადა პეკა ჰაავისტომ.
განცხადება გაავრცელა ფინეთის პრეზიდენტმა, საული ნიინისტომაც.
„ფინეთი დღეს გახდა ნატოს თავდაცვის ალიანსის წევრი. ჩვენს ისტორიაში სამხედრო ნეიტრალიტეტის ეპოქა დასრულდა. ახალი ეპოქა იწყება. თითოეული ქვეყანა მაქსიმალურად ზრდის საკუთარ უსაფრთხოებას. ასევეა ფინეთიც. ამავდროულად, ნატო-ში გაწევრიანება აძლიერებს ჩვენს საერთაშორისო პოზიციას. ჩვენ, როგორც პარტნიორი, დიდი ხანია აქტიურად ვმონაწილეობთ ნატო-ს საქმიანობაში. მომავალში, ფინეთი წვლილს შეიტანს ნატო-ს კოლექტიურ შეკავებასა და თავდაცვაში“, - აღნიშნულია ფინეთის პრეზიდენტის განცხადებაში.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
