ცეცხლის შეწყვეტის შესახებ მიღწეული შეთანხმება, ისრაელში დღეს, ადგილობრივი დროით, დილის 7 საათიდან ამოქმედდება, ტყვეების გაცვლის პროცესი კი, დღის მეორე ნახევარში უნდა დაიწყოს.

ჰუმანიტარული პაუზა, შეთანხმების მიხედვით, 4 დღეს გაგრძელდება. ამავდროულად, ისრაელის არმიის თვითმფრინავები დილის 10 საათიდან დღის 6 საათამდე, ღაზის სექტორში ფრენას შეაჩერებენ.

4-დღიანი ზავის პერიოდში, „ჰამასი“ 50 მძევალს, ისრაელი კი 150 პალესტინელ პატიმარს გაათავისუფლებს, ისრაელმა უკვე დაადასტურა, რომ მზადაა, დღეს 39 ადამიანი გამოუშვას.