გასულ ღამეს, ისრაელის საჰაერო ძალებმა, ცენტრალურ სირიაში, ჰამას პროვინციაში მდებარე T4-ის ავიაბაზაზე განახორციელა მასშტაბური საჰაერო დარტყმები, რამაც მიწასთან გაასწორა ავიაბაზის ინფრასტრუქტურა.
რამდენიმე დღის წინ, თურქულ მედიაში გავრცელებული ინფორმაციით, აღნიშნულ ბაზაზე, თურქული არმია აპირებდა შესვლას და იქ საჰაერო თავდაცვის ტექნიკის განლაგებას, თუმცა ისრაელის მოქმედებებმაც არ დააყოვნა და ავიაბაზა გაანდგურა.
როგორც სირიული მედია ავრცელებს ინფორმაციას, დარტყმების შედეგად დაიღუპნენ სირიის არმიის წევრები, სამოქალაქოები და 3 თურქი ინჟინერი, რომლებიც ავიაბაზაზე იმყოფებოდნენ და ბაზას ამზადებდნენ თურქული ძალების განლაგებისთვის.
სირიის საგარეო საქმეთა სამინისტრომ, უკვე დაგმო ისრაელის დარტყმები და ის დაადანაშაულა ქვეყნის სუვერენიტეტისა და ტერიტორიული მთლიანობის ხელყოფაში .
