,
ისრაელის პრემიერ-მინისტრმა, ნაფტალი ბენეტმა განაცხადა, რომ ისრაელი უკრაინას დიდი რაოდენობით დახმარებას უწევს, რომელსაც უკრაინას სხვა ქვეყნების უმეტესობა არ უწევს.
„ისრაელი უკრაინას დახმარებას სხვადასხვა არხით რამდენიმე კვირის განმავლობაში უწევს. ისრაელი ასევე მოქმედებს სხვა განზომილებებში. ბევრი ქვეყანა არ არის, რომელიც ამ მასშტაბით მუშაობს. ჩვენ ამ სამწუხარო კრიზისს დელიკატურად და პასუხისმგებლობით ვმართავთ, სხვადასხვა მოსაზრებების დაბალანსებით, რომელიც რთულია“, - აღნიშნა ნაფტალი ბენეტმა.
უკრაინა ისრაელს შეიარაღების ან თუნდაც თავდაცვითი სამხედრო საშუალებების არმიწოდების გამო აკრიტიკებს.
20 მარტს, უკრაინის პრეზიდენტმა ისრაელის პარლამენტსაც მიმართა. ქნესეთის დეპუტატებმა ვოლოდიმირ ზელენსკის ვირტუალურ რეჟიმში მოუსმინეს. უკრაინის ლიდერმა პუტინის რუსეთსა და ფაშისტურ გერმანიას შორის პარალელები გაავლო და ღიად განაცხადა, რომ რუსეთის მიზანს უკრაინელი ერის განადგურება წარმოადგენს.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
