,
სირიამ თავი აარიდა ღაზას ომში ჩარევას, მიუხედავად იმისა, რომ დამასკოში ირანის საკონსულოს მახლობლად მდებარე შენობას ისრაელი დაესხა თავს, რასაც ირანის საპასუხო თავდასხმაც მოჰყვა.
ამის შესახებ The Times of Israel წერს.
სირიის პრეზიდენტის ბაშარ ასადის მთავრობა ცდილობს ბალანსი დაიცვას რუსეთსა და ირანს შორის, რომლებმაც მხარი დაუჭირეს მას 13 წლიან სამოქალაქო ომში და დაეხმარენ მას დაკარგული ტერიტორიების დაბრუნებაში.
სირია არის ე.წ. წინააღმდეგობის ღერძის - ირანის მიერ მხარდაჭერილი ალიანსის ნაწილია, რომელმაც ოქტომბრიდან დაიწყო თავდასხმები ისრაელზე.
მაგრამ მისი სხვა მთავარი მოკავშირე რუსეთი ინარჩუნებს დიპლომატიურ კავშირებს ისრაელთან და ცდილობს შეინარჩუნოს სტაბილურობა სირიის სამხრეთში, რომელიც ესაზღვრება გოლანის მაღლობებს.
"ისრაელმა მკაფიოდ გააფრთხილა ასადი, რომ თუ სირიას მათ წინააღმდეგ გამოიყენებდნენ, ისინი გაანადგურებდნენ მის რეჟიმს," - თქვა დასავლელმა დიპლომატმა, რომელმაც ანონიმურობა მოითხოვა, რადგან მას მედიასთან საუბრის უფლება არ აქვს.
ბოლო თვეების განმავლობაში სირიაში ირანულ ობიექტებზე იერიშების სერია იყო. 1 აპრილს მომხდარი საჰერო თავდასხმის შედეგად, დამასკოში, ირანის საკონსულოს გვერდით შენობაში დაიღუპა ირანის ისლამური რევოლუციის გვარდიის შვიდი მეთაური, მათ შორის ორი გენერალი.
ამ დარტყმის საპასუხოდ, ირანი 13-14 აპრილს პირველად დაესხა პირდაპირ თავს ისრაელს დრონებითა და რაკეტებით.
AFP-ს ჰეზბოლასთან დაახლოებულმა წყარომ განუცხადა, რომ შეტევებმა აიძულა ირანი შეემცირებინა თავისი სამხედრო წარმომადგენლობა მთელს სამხრეთ სირიაში, განსაკუთრებით გოლანის მოსაზღვრე რაიონებში.
წყარო:https://realpolitika.ge
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
