,
ისნის რაიონის გამგეობამ თეოფანე დავითაიას ქუჩის სრული რეაბილიტაცია განახორციელა.
სამუშაოების ფარგლებში, სრულად შეიცვალა მიწისქვეშა კომუნიკაციები, მოეწყო საფეხმავლო ბილიკები და ბორდიურები, სანიაღვრე სისტემა, ასევე, ახალი განათების სისტემა და დამონტაჟდა ლედ სანათები. 12500 კვ.მ. ფართობზე დაიგო ასფალტის ორფენიანი საფარი.
საფეხმავლო ბილიკზე, მოქალაქეების უსაფრთხო გადაადგილების მიზნით, მოეწყო ფერდის დამჭერი კედელი.
პროექტი გამგეობის ბიუჯეტიდან 1 580 000 ლარით დაფინანსდა.
დასრულებული სამუშაოები ისნის რაიონის გამგებელმა დავით ხაბეიშვილმა პარლამენტის დელეგატ ნიკა ელისაშვილსა და საკრებულოს მაჟორიტარ დეპუტატ კახა ლაბუჩიძესთან ერთად დაათვალიერა.
