ისა კაძოევმა, რომელიც თბილისის საპატიო მოქალაქეა, პირადადაც უმასპინძლა რუსეთ-საქართველოს საზღვარზე ზვავის ჩამოწოლის გამო შეფერხებულ მძღოლებს და ერთი ამბავი გაიხსენა:
როდესაც ინგუშები ქართველებს სიკეთეს გაუკეთებდნენ და ამით უხუცესებთან დაიტრაბახებდნენ, აკსაკალები ღიმილით ეტყოდნენ, რას ტრაბახობთ, ქართველები ინგუშეთშიც თავიანთ მიწაზე არიანო!
კაძოევის თქმით, მე-17 საუკუნეში, როდესაც ინგუშეთში მრავალწლიანი გვალვა და შიმშილი ყოფილა, ბევრი ადამიანი დაღუპულა! ეს რომ საქართველოში გაუგიათ, ბერები გადასულან მთებით და ინგუშთა ოჯახებიდან, ხურჯინებით, ათობით ბავშვი წამოუყვანიათ მონასტერებში, უპატრონებიათ და გადაურჩენიათ!
შემდეგ კი, უკან მშობლებთან დაუბრუნებიათ...
დაუფიქრებლად და უშიშრად ატანდნენ ინგუში მშობლები ქართველ ბერებს თავიანთ შვილებსო, - თქვა კაძოევმა.
ქართველებზე ახლობელი ინგუშისათვის არ არსებობს! ღმერთმა დალოცოს საქართველო! - ასე დიალოცა ისა კაძოევი, რომელსაც ზვიად გამსახურდიამ 1991 წელს, თბილისის საპატიო მოქალაქეობა უბოძა!
ღმერთმა დალოცოს ჩვენი უღალატო ინგუში ძმები, რომელთა დროშაზე, სხვათა შორის, ნიშანდობლივია, რომ ბორჯღალია გამოსახული!