,
აღდგომის ბრწყინვალე დღესასწაული ახლოვდება, ლიტურგიაც ჩატარდება, წირვაც და ვეზირებით კიდეც, ვინც ზიარების რიგში დგას. ვინც მაზიარებელი და აღმსარებელია, ის წესებს და რეკომენდაციებსაც დაიცავს - ამის შესახებ „პატრიოტთა ალიანსის“ ერთ-ერთმა ლიდერმა და ვიცე-სპიკერმა, ირმა ინაშვილმა ბიუროს სხდომაზე განაცხადა.
მისი თქმით, ეჩვენება, რომ ე.წ. კომენდანტის საათი იმისთვის არის დაწესებული, რომ მორწმუნეებს სააღდგომო ლიტურგიაზე ეკლესიებში მისვლა გაუჭირდეთ.
„ჩემთვისაც გაუგებარია 21:00 საათიდან დილის 6 საათამდე გადაადგილების შეზღუდვა და მეჩვენება, რომ რაღაცნაირად ეს სააღდგომო ლიტურგიასთან არის ეს კავშირში, რომ ადამიანებს ეკლესიაში მისვლა გაუჭირდეთ. პირიქით, ახლა უნდა ვეზიაროთ, ნუთუ ამას ვერ ხვდებით? ეკლესია ლოცულობს მართლმორწმუნე მთავრობისა და მხედრობისთვის და ამათ რა ემართებათ?! ის კი არ უნდა ვთქვათ, რომ არ წავალ წირვაზე, პირიქით, მეტი მოწოდება უნდა იყოს ხელისუფლების წარმომადგენლების მხრიდან, რომ წევალთ და ვეზიარებით“, - განაცხადა ირმა ინაშვილმა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
