ირანში საპარლამენტო არჩევნები მიმდინარეობს. საარჩევნო უბნები მთელი ქვეყნის მასშტაბით ადგილობრივი დროით, დილის 8 საათზე გაიხსნა. საკუთარი არჩევანი უკვე დააფიქსირა ქვეყნის უმაღლესმა ლიდერმა, აიათოლა ალი ხამენეიმ. მან ხალხს არჩევნებში მონაწილეობისკენ მოუწოდა და განაცხადა, რომ ეს „ქვეყნის ეროვნულ ინტერესებს“ ემსახურება. მისივე თქმით, ხმის მიცემა ადამიანების „რელიგიური ვალდებულებაა“.

მედიის ინფორმაციით, არჩევნებში 7000 კანდიდატი მონაწილეობს, მათ შორის 666 ქალია. ხმის მიცემა ადგილობრივი დროით 18.00 საათზე დასრულდება. მედიის ინფორმაციით, საპარლამენტო არჩევნების შედეგები მნიშვნელოვან გავლენას მოახდეს საპრეზიდენტო მარათონზე, რომელიც ქვეყანაში მომავალ წელს გაიმართება.