,
ირანში ხუთკვირიანი სამხედრო კამპანიის განმავლობაში 365 ამერიკელი სამხედრო დაიჭრა, ხოლო 13 გარდაიცვალა. ინფორმაციას The Wall Street Journal-ი პენტაგონზე დაყრდნობით ავრცელებს.
გამოცემის ცნობით, ირანში ომის დაწყების დღიდან დღემდე აშშ-ის სახმელეთო სარდლობის 247 სამხედრო მოსამსახურე დაიჭრა, სხვადასხვა სახის დაზიანება მიიღო აშშ-ის სამხედრო-საზღვაო ძალების 63-მა მოსამსახურემ.
გარდა ამისა, როგორც The Wall Street Journal-ი იუწყება, დაშავებულთა შორის არიან საზღვაო ქვეითები, სულ 19 ადამიანი. საჰაერო ძალების პირადი შემადგენლობის 36 ადამიანიც დაიჭრა.
რუსეთმა და ჩინეთმა ვეტო დაადეს გაეროს რეზოლუციას, რომელიც ჰორმუზის სრუტის გახსნას ისახავდა მიზნად. ამის შესახებ ინფორმაციას CNN-ი ავრცელებს.
ბაჰრეინის მიერ წარდგენილი რეზოლუცია ქვეყნებს ახალისებს, მოახდინონ თავდაცვითი ზომების კოორდინაცია ჰორმუზის სრუტეში უსაფრთხო მიმოსვლისთვის, მათ შორის კომერციული გემების ესკორტირებით.
აღნიშნული რეზოლუცია თავდაპირველი ტექსტის შერბილებულ ვერსიას წარმოადგენს, რომელიც ქვეყნებს სრუტეში უსაფრთხო ტრანზიტის უზრუნველსაყოფად, ძალის გამოყენების საშუალებას მისცემდა.
რეზოლუციას 11-მა ქვეყანამ დაუჭირა მხარი, ორმა თავი შეიკავა და ორი წინააღმდეგ წავიდა (რუსეთი და ჩინეთი).
