,
ირანის შეიარაღებული ძალების გენშტაბის მეთაურის, გენერალ მოჰამედ ბაღერის განცხადებით, "ირანი რეგიონში მშვიდობის დამყარებას ცდილობს და ბირთვული იარაღის შექმნის სურვილი არ გააჩნია. პირდაპირი მოლაპარაკებები აშშ-სთან არ იგეგმება, თუმცა ირიბი დიალოგის შესაძლებლობა არსებობს. თუკი აშშ გულწრფელობას გამოიჩენს, მოლაპარაკებებიც შესაძლებელია. წარსულში სწორედ ამერიკის მხარე აღმოჩნდა ყველაზე ნაკლებად სანდო, რის გამოც მათ მიმართ ნდობა არ არსებობს."
მისი თქმით, "ირანი არ არის აგრესიული სახელმწიფო, მაგრამ არ დაუშვებს ზეწოლასა და მუქარას. ქვეყნის საზღვრებსა და ინტერესებზე განხორციელებულ ნებისმიერ თავდასხმას მკაცრი და დამანგრეველი პასუხი მოჰყვება. ირანის საჰაერო თავდაცვა, სარაკეტო და უპილოტო საფრენი სისტემები ახლა ბევრად უფრო ძლიერია, ვიდრე იმ დროს, როდესაც ოპერაცია ისრაელის წინააღმდეგ განახორცილდა"
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
