ირაკლი ქარსელაძე - რიკოთის ახალ გზაზე, 51 გვირაბიდან 45 გვირაბი უკვე დასრულებულია, ხოლო 97 ხიდიდან 81 უკვე აშენებულია

Date: 431

რიკოთის ახალ გზაზე, 51 გვირაბიდან 45 გვირაბი უკვე დასრულებულია, ხოლო 97 ხიდიდან 81 უკვე აშენებულია. აქედან, 12 გვირაბით და 22 ხიდით, დაახლოებით, უკვე 8 თვეა ვსარგებლობთ. მთლიანი პროექტის პროგრესი არის 86%.

"სამწუხაროდ, მოვისმინე ძალიან ბევრი ტყუილი, ძალიან ბევრი დაუსაბუთებელი და უსამართლო ბრალდებები და ცილისწამება. რიკოთის მონაკვეთზე, რომელიც შედგება ოთხი მონაკვეთისგან და ჯამში, 52 კმ-მდე გზა, 51 გვირაბიდან 45 გვირაბი უკვე დასრულებულია, ხოლო 97 ხიდიდან 81 უკვე აშენებულია. აქედან, 12 გვირაბით და 22 ხიდით, დაახლოებით, უკვე 8 თვეა ვსარგებლობთ. მთლიანი პროექტის პროგრესი არის 86%. პირველი ბრალდება იყო იმასთან დაკავშირებით, რომ რიკოთი დაკეტილია.

რიკოთი არ არის დაკეტილი!

რიკოთზე მოქმედებს გადაადგილების სპეციალური რეჟიმი, რომლის გამომწვევი მიზეზიც არის შემდეგი: 149-ე კმ-ზე, არსებული, ძველი, გზიდან 200 მეტრში აღმოჩენილი იქნა პოტენციური მეწყერის კერა. სპეციალისტების ანალიზითა და შესწავლით, ეს კერა მიჩნეული იქნა მომეტებული საფრთხის მქონედ. მიღებული იქნა მყისიერი გადაწყვეტილება რიკოთის დროებით დაკეტვასთან დაკავშირებით.

ამის შემდეგ, გაფართოვდა გზა, გასამმაგდა დამაგროვებელი ბუფერი და მოეწყო დამცავი კედელი. მხოლოდ ამის შემდეგ დაწესდა გადაადგილების სპეციალური რეჟიმი. სპეციალური რეჟიმის დაწესების პირობებში, ჩვენ პრევენცია და მაქსიმალურად უსაფრთხო გარემოს უზრუნველყოფა შევძელით "-აღნიშნა ირაკლი ქარსელაძემ.

რიკოთის მშენებელი არცერთი კომპანია არც ხელშეკრულების გაფორმებისას და არც ახლა არ იყო და არ არის სანქცირებული

"საერთაშორისო საფინანსო ინსტიტუტების, ხოლო რიკოთის შემთხვევაში - მსოფლიოს ბანკის, ევროპის საინვესტიციო ბანკის, აზიის განვითარების ბანკის - დაფინანსების პირობებში, რა თქმა უნდა, პროექტთან დაკავშირებული შესყიდვები ხორციელდება მათი პროცედურებით. ამ პროცედურას ჰქვია „ღია საერთაშორისო ტენდერი“. ასეთია შესყიდვის ფორმა, რომელიც ცალსახად განმარტავს, თუ ვის შეუძლია ტენდერში მონაწილეობა, რა კრიტერიუმები უნდა დააკმაყოფილოს პრეტენდენტმა ფინანსური, თუ ტექნიკური გამოცდილების თალსაზრისით,"- ამის შესახებ რეგიონული განვითარებისა და ინფრასტრუქტურის მინისტრმა ირაკლო ქარსელაძემ, მედიასთან შეხვედრისას განაცხადა.

მინისტრის თქმით, დადგენილი პროცედურები ითვალისწინებს სამ ძირითად ეტაპს, რომელიც საჭიროებს საერთაშორისო საფინანსო ინსტიტუტის დასტურს შესყიდვის სრული პროცესის განმავლობაში, ხელშეკრულების გაფორმების ჩათვლით. ამასთან, განსაზღვრულია ტენდერში მონაწილე პრეტენდენტი კომპანიის დისკვალიფიკაციის საფუძვლებიც.

"შეუძლებელია ამ პროცედურების პირობებში, ტენდერში გაიმარჯვოს და ხელშეკრულება გაფორმდეს სანქცირებულ, შავ სიაში მყოფ კომპანიასთან. შესაბამისად, მხოლოდ საერთაშორისო საფინანსო ინსტიტუტების პროცედურების მკაცრი დაცვით გამოვლინდა ტენდერში გამარჯვებული კომპანიები. შეგახსენებთ, რომ რიკოთის 4 მონაკვეთზე 4 სხვადასხვა კომპანია მუშაობს, სადაც მაღალი კონკურენციის დონე იყო და გამარჯვებულებად გამოვლინდნენ ის კომპანიები, რომლებმაც დააკმაყოფილეს აბსოლუტურად ყველა მოთხოვნა. ხელშეკრულება მათთან ვერ გაფორმდებოდა, თუ ეს კომპანიები იქნებოდნენ.

მინისტრის განმარტებით, რიკოთის მშენებელ კომპანიებთან გაფორმებულია ფიდიკის ტიპის, საერთაშორისო ხელშეკრულებები, რომელიც ცალსახად განსაზღვრავს პროექტის განვითარების და ხელშეკრულების შეწყვეტის პირობებს. ამ ხელშეკრულებების მიხედვით, ხელშეკრულების გაფორმების შემდეგ, კომპანიის სანქცირება შეწყვეტის მიზეზი ვერ გახდება.

"მიუხედავად ამისა, გუშინ ვთხოვე საავტომობილო გზების დეპარტამენტს, ღია წყაროებში გადაემოწმებინათ იყვნენ თუ არა აღნიშნული კომპანიები დღეის მდგომარეობით სანქცირებული და გაირკვა, რომ 10 აგვისტოს მდგომარეობით, არცერთი რიკოთის მშენებლობაში ჩართული კომპანია არ იმყოფება შესაბამისი საფინანსო ინსტიტუტების შავ სიაში. ყველა ის ბრალდება, რაც სანქცირებას უკავშირდება, თითქოს პროექტი სანქცირებულ კომპანიებს მივეცით, არის სრული ტყუილი,"- განაცხადა ინფრასტრუქტურის მინისტრმა.

ირაკლი ქარსელაძის თქმით, ინფრასტრუქტურის სამინისტროს სისტემაში საქმიანობის 5 წლიანი პერიოდის განმავლობაში, კორუფციის დამადასტურებელი არცერთი ფაქტი ოპონენტებს არ წარმოუდგენიათ. მისი თქმით, მსგავსი ცილისმწამებლური ბრალდებები შეურაცხყოფს ყველა იმ ადამიანს და ორგანიზაციის, რომელიც რიკოთის მშენებლობაშია ჩართული, როგორც ქართული, ისე საერთაშორისო საფინანსო ინსტიტუტების მხრიდან.

მინისტრის განცხადებით რიკოთის პროექტზე საზოგადოებასთან კომუნიკაცია გაძლიერებულია.

"ჩვენი მთავარი ამოცანაა, ჩვენი საზოგადოება იყოს მშვიდად, გამომდინარე რიკოთზე არსებული რეალობიდან. ძალიან მძიმე ვითარებაა (რაჭის სტიქიის გამო) და ამ დროს, კიდევ ხელოვნური დაძაბულობის შემოტანა, საზოგადოების დაშინება, არის დაუშვებელი,"- ამის შესახებ რეგიონული განვითარებისა და ინფრასტრუქტურის მინისტრმა, ირაკლი ქარსელაძემ, რაჭაში, მედიასთან შეხვედრისას განაცხადა.

მინისტრის თქმით, რიკოთი დღესაც არის უსაფრთხო. ახალი მაგისტრალური გზა შენდება ისეთი პროექტით და ისეთი მაღალი დონის სპეციალისტების ჩართულობით, რომ იქნება სრულიად უსფრთხო.

ის ფაქტი, რომ ასეთ რთულ ვითარებაში (რაჭის სტიქიისას), კამპანიური ხასიათის ბრალდებების გამო, მოსახლეობისთვის ობიექტური ინფორმაციის მიწოდების მიზნით, ჩვენ დღეს გვიწევს რიკოთის თემაზე შეხვედრა, მეტყველებს იმაზე, რომ რიკოთის პროექტთან დაკავშირებით, კომუნიკაციის მიმართულებით მეტია გასაკეთებელი. ამას, აუცილებლად, გამოვასწორებთ იმისათვის, რომ ჩვენს მოსახლეობას ყოველთვის ჰქონდეს შესაბამისი, ობიექტური ინფორმაცია. კიდევ ერთხელ გარწმუნებთ, რომ კამპანიური, პოლიტიკური მიზნის მცდელობა, დააშინონ მოსახლეობა რიკოთის გზასთან დაკავშირებით, არის აბსოლუტურად უსაფუძვლო და არარეალური,"- აღნიშნა ირაკლი ქარსელაძემ.

region

სოფელ ოკამში 75 აღსაზრდელზე გათვლილი საბავშვო ბაღის მშენებლობა დასკვნით ეტაპზეა, შიდა ქართლში ამჟამად მიმდინარეობს 28 ბაღის მშენებლობა და რეაბილიტაცია.

შიდა ქართლის რეგიონში, კასპის მუნიციპალიტეტის სოფელ ოკამში 75 აღსაზრდელზე გათვლილი საბავშვო ბაღის მშენებლობა დასკვნით ეტაპზეა

დასრულებულია საბავშვო ბაღის შენობის კონსტრუქციული ნაწილის მშენებლობა, საინჟინრო სისტემების მონტაჟი და მოპირკეთების სამუშაოები

საბავშვო ბაღის ახალ შენობაში ეწყობა საძინებელი, სათამაშო, გამოსაცვლელი და ადმინისტრაციული ოთახები, სამზარეულო, სასადილო, სამრეცხაო, ლიფტი და საევაკუაციო კიბეები. ეზოებში მოეწყობა სათამაშო მოედნები

თანამედროვე სტანდარტებისა და დადგენილი ნორმების სრული დაცვით აშენებული ახალი საბავშვო ბაღის შენობა ადაპტირებულია შეზღუდული შესაძლებლობის მქონე პირთათვის და სპეციალური საგანმანათლებლო საჭიროებების მქონე აღსაზრდელებისათვის

„სოფელ ოკამში 75 ბავშვზე გათვლილი ახალი საბავშვო ბაღის მშენებლობა დასკვნით ეტაპზეა. მალე დასრულდება დარჩენილი სამუშაოები და ეზოს აღჭურვა ატრაქციონებით. ბაღში სრულად მოეწყო საინჟინრო ქსელები, ფუნქციური ოთახები, დარბაზი შემოქმედებითი განვითარებისთვის, კვების ბლოკი და ყველა სხვა აუცილებელი ინფრასტრუქტურული ელემენტი,“-ამის შესახებ რეგიონული განვითარებისა და ინფრასტრუქტურის მინისტრმა, ირაკლი ქარსელაძემ სოფელ ოკამის საბავშვო ბაღის მშენებლობის პროცესის მონახულების შემდეგ განაცხადა

პროექტს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი სახელმწიფო ბიუჯეტის 1.8 მილიონი ლარის დაფინანსებით ახორციელებს

2024-2025 წლებში შიდა ქართლის რეგიონში დასრულდება 24 საბავშვო ბაღის მშენებლობა და 4 ბაღის რეაბილიტაცია. მათ შორისაა, 200 აღსაზრდელზე გათვლილი საბავშვო ბაღის მშენებლობა დაბა სურამში.

See all

Survey

ვინ გაიმარჯვებს რუსეთ - უკრაინის ომში?