,
90-იანი წლებიდან გერმანიის მხარდაჭერა ასრულებს განსაკუთრებულ როლს ჩვენი ქვეყნის განვითარებაში და ჩვენ მადლიერები ვართ ამ მხარდაჭერისათვის. რა თქმა უნდა, ევროპული ინტეგრაციის გზაზეც გერმანიის მხარდაჭერას აქვს განსაკუთრებული მნიშვნელობა და მე კიდევ ერთხელ მინდა ხაზგასმით გადავუხადო მადლობა ჩვენს გერმანელ მეგობრებს და პირადად ბატონ კანცლერს. ამ გადაწყვეტილების მიღების დროს, მისი პოზიტიურად ჩამოყალიბების თვალსაზრისით, ვიცით, რომ გერმანიის პოზიციამ შეასრულა უმნიშვნელოვანესი როლი, - ამის შესახებ პრემიერ-მინისტრმა ირაკლი კობახიძემ გერმანიის ფედერალურ კანცლერ ოლაფ შოლცთან ერთად გამართულ პრესკონფერენციაზე, ჟურნალისტის კითხვის პასუხად განაცხადა.
მთავრობის მეთაურმა იმედი გამოთქვა, რომ მჭიდრო თანამშრომლობა საქართველოსა და გერმანიას შორის ყველა სფეროში გაგრძელდება.
„გვაქვს დიდი იმედი, რომ გაგრძელდება მჭიდრო თანამშრომლობა ყველა კუთხით საქართველოსა და გერმანიას შორის, როგორც ჩვენი ქვეყნის ევროინტეგრაციის კუთხით, ისე ორმხრივი ურთიერთობების განვითარების თვალსაზრისით. დღეს გვქონდა საუბარი ჩვენი თანამშრომლობის ყველა სფეროზე პოლიტიკურ, ეკონომიკურ, თავდაცვისა და უსაფრთხოების სფეროებში თანამშრომლობაზე. ჩვენთვის თანამშრომლობის აბსოლუტურად ყველა განზომილება არის მნიშვნელოვანი და გვაქვს იმედი, დარწმუნებულებიც ვართ, რომ მჭიდრო თანამშრომლობა მომავალშიც გაგრძელდება,“- აღნიშნა პრემიერმა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
