,
საერთაშორისო ურთიერთობათა სპეციალისტი ირაკლი გოგავა, სოციალურ ქსელში გვიყვება, მისი ამერიკელი ბიზნესმენი მეგობარის ისტორიას - თუ როგორ ეხმარება აშშ-ი მცირე ბიზნესს კორონავირუსის პანდემიის დროს.
"ჩემს ამერიკელ მეგობარს პოლიტიკური და ბიზნეს კონსალტინგის ფირმა აქვს. კომპანია ამერიკული მასშტაბებით დიდი არ არის - დაახლოებით $500,000 ბრუნვა ჰქონდა 2019 წელს.
დღეს მიუვიდა წერილი, რომ მის კომპანიას გამოუყვეს $7500 2 წლიანი კრედიტი 1% წლიური განაკვეთით. თუ ის, როგორც მფლობელი, ამ თანხას საკუთარ ხელფასში დახარჯავს ორი წლის შემდეგ გადასახდელი მხოლოდ კრედიტის 25% ანუ $1875 ექნება, დანარჩენს კი "პატიობენ". მსგავსი შეთავაზებები მიიღო მასიურად საშუალი ფენამ. რთული წარმოსადგენი არ არის როგორი შედეგი ექნება ტრამპის რეიტინგზე ამ ნაბიჯს. $1200 ერთჯერადი დახმარება უკვე დარიგდა ამ კრედიტის გარეშეც." - წერს ირაკლი გოგავა.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
