,
კომპანია BioNTech-ის ერთ-ერთი ხელმძღვანელი უგურ შაჰინი მიჩნევს, რომ ევროპის უმეტეს ქვეყნებსა და აშშ-ში ზაფხულის ბოლომდე, კორონავირუსი კონტროლს დაექვემდებარება ვაქცინაციის გათვალისწინებით. ამის შესახებ მან გერმანულ გამოცემა „Welt am Sonntag“-თან ინტერვიუში განაცხადა.
„ევროპის ბევრ ქვეყანასა და აშშ-ში, ჩვენ, სავარაუდოდ, ზაფხული ბოლოს, ვიქნებით სიტუაციაში, როდესაც აღარ დაგვჭირდება ლოქდაუნი“ , - აცხადებს შაჰინი.
თუმცა, მისი თქმით, ვირუსი არსად წავა და მინიმუმ, კიდევ ერთი წელი გავა, ვიდრე კაცობრიობა შეძლებს სიტუაციის ფლობას.
„იქნება აფეთქებები, მაგრამ ეს იქნება ფონური ხმაური. იქნება მუტაცია, მაგრამ ისინი ვერ შეგვაშინებს“ , - აღნიშნა კომპანიის ხელმძღვანელმა.
შაჰინი მიიჩნევს, რომ უშუალოდ გერმანიაში შესაძლებელია 70 %-ით ვაქცინაციით უზრუნველყოფა სექტემბრის ბოლომდე, რის შემდეგაც, ვითარება, გაცილებით კონტროლირებადი გახდება.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
