საპატრიარქოს საზოგადოებასთან ურთიერთობის სამსახურის ხელშეწყობით, სრულიად საქართველოს კათოლიკოს-პატრიარქ ილია მეორის აღსაყდრების 45 წლის საიუბილეო თარიღისადმი მიძღვნილი შემეცნებითი საღამოები დაიწყო. შემეცნებით ღონისძიებათა მთავარი თემა ილია მეორის მოღვაწეობის პერიოდში შერაცხილ წმინდანთა ცხოვრებასა და ღვაწლს შეეხება.

პირველი შემეცნებითი საღამო, სახელწოდებით „ღირსი დედები“, წმინდა მიქაელ მთავარანგელოზის სახელობის ტაძრის ეზოში გაიმართა. ღონისძიებას დეკანოზი ალექსანდრე გალდავა გაუძღვა.