,
ილჰამ ალიევს მთიანი ყარაბაღის ძალისმიერი გზით მოგვარება დასაშვებად მიაჩნია. ამის შესახება მან ტელეარხ „ალ-არაბიასთვის“ მიცემულ ინტერვიუში განაცხადა.
„ხშირად მესმის, რომ კონფლიქტის ძალისმიერი გზით გადაჭრა შეუძლებელია, რასაც არ ვეთანხმები. საერთაშორისო საზოგადოება ამ კონფლიქტის პოლიტიკურ დარეგულირებას 28 წელია, უშედეგოდ ცდილობს. თუ საერთაშორისო საზოგადოებას არ შეუძლია მის მიერ მიღებული რეზოლუციების სისრულეში მოყვანა, ამას ჩვენ გავაკეთებთ,“-აღნიშნა ალიევმა.
მისივე თქმით, აზერბაიჯანული მხარე ცეცხლის შეწყვეტას მხოლოდ იმ შემთხვევაში დათანხმდება, თუ სომხეთი მთიანი ყარაბაღიდან ჯარებს გაიყვანს.
„მათ უნდა გაიყვანონ ჯარები ოკუპირებული ტერიტორიიდან. მათმა პრემიერმინისტრმა კი, რომელიც აცხადებს, რომ მთიანი ყარაბაღი სომხეთია, უნდა აღიაროს, რომ მთიანი ყარაბაღი არ არის სომხეთი. ამის შემდეგ შესაძლებილი გახდება ცეცხლის შეწყვეტა და სომეხ ხალხთან ნორმალური ურთიერთობის აღდგენა“,- აღნიშნა ალიევმა.
