,
ახალი უნარების შეძენა დღევანდელ სწრაფად ცვალებად გარემოში განსაკუთრებულ მნიშვნელობას იძენს. UpWay-ზე შეგიძლია შენს საჭიროებებზე მორგებული ნებისმიერი კურსი აარჩიო 6 ძირითადი კატეგორიიდან.
თუ დარწმუნებული არ ხარ რა გინდა და გამოცდილი ადამიანის რჩევა გჭირდება, UpWay უფასოდ დაგაკავშირებს მენტორს, რომელთან გასაუბრებაც სრულიად ახალ შესაძლებლობებს დაგანახებს.
ამ ბლოგში გიორგი ბერეჩიკიძე, veli.store -ის ციფრული მარკეტინგის ხელმძღვანელი, ისაუბრებს ციფრული მარკეტინგის ტენდენციებზე, რომელთა ცოდნაც სასარგებლო იქნება მათთვის, ვისაც სფეროს სიახლეები აინტერესებს.
პანდემიის შემდეგ, შეიცვალა მარკეტინგი, მომხმარებლებთან ერთად. Მომხმარებლების ქცევები გაციფრულდა, ბრენდების, პროდუქტების აღმოჩენა, შეძენა გადავიდა ციფრულ სივრცეში.
ახალ რეალობაში კომპანიები ცდილობენ, მომხმარებლებს დახვდნენ იმ სივრცეში, სადაც მათ ან მათ პროდუქციას მარტივად მიაგნებენ – ამის შედეგად მივიღეთ ის, რომ გამრავალფეროვნდა კონტენტის ტიპები და ციფრული საკომუნიკაციო არხების რაოდენობაც წლიდან წლამდე იზრდება.
ამ ყველაფერზე ციფრული სარეკლამო დანახარჯების ზრდაც მეტყველებს – 2023 წელს, სხვადასხვა შეფასებით, საშუალოდ ნახევარ ტრილიონ დოლარამდე გაიზრდება ციფრული სარეკლამო დანახარჯები მსოფლიოში.
შევეცადე, 2023 წლისთვის სხვადასხვა მიმართულებით ის სიახლეები და ტრენდები გამეზიარებინა, რაც გამოიკვეთა როგორც მსოფლიოში, ასევე საქართველოში.
კონტენტი > გამომწერები
წლების განმავლობაში სოციალური მედია ძირითად ფოკუსს აკეთებდა გამომწერების რაოდენობაზე.
Ჩვენ ვართ “recommended media” ერაში – რაც გულისხმობს, რომ სოციალური მედია პლატფორმების ალგორითმები ნელნელა გადაეწყო იმაზე, რომ მთავარია კონტენტი, მისი შინაარსი, და ის, თუ რამდენად საინტერესოა ეს მომხმარებლისთვის. Ნაკლები მნიშვნელობა ენიჭება იმას, გამოწერილი აქვთ კომპანიის გვერდი თუ არა. ამ ალგორითმს განსაკუთრებით კარგად მოერგო ყველა კონტენტ კრეატორი და ინფლუენსერი, ვინც საინტერესო კონტენტს აკეთებს.
Ამიტომაც, ბრენდებისთვის მნიშვნელოვანი ხდება ინფლუენსერებთან პარტნიორობა.
სტატისტიკას რომ თავი დავანებოთ, რის მიხედვითაც, 18-დან 24 წლამდე ადამიანების 30% და 25-დან 34 წლამდე სოცმედია მომხმარებლების 40% საკუთარ თავს კონტენტის შემქმნელად თვლის, (ჰაბსპოტის 2022 წლის სამომხმარებლო ტრენდების რეპორტი), ინფლუენსერების ბაზრის ზრდის ტრენდიც ამას მიუთითებს:
სხვადასხვა კვლევებით თუ გამოკითხვებით ირკვევა, რომ მსოფლიოში ბრენდების დიდი ნაწილი საკუთარი მარკეტინგული ბიუჯეტის 10-20%-ს ხარჯავს ინფლუენსერ მარკეტინგზე (statista.com). ქართული ბაზრისთვის მსგავსი კვლევა არ გვაქვს, თუმცა შესამჩნევია კონტენტ კრეატორების ზრდა, განსაკუთრებით ტიკტოკ პლატფორმაზე. Რაც კიდევ უფრო მნიშვნელოვანია, არის ის, რომ 2022 წლისთვის კომპანიების ფოკუსი გადაიწია მიკრო ინფლუენსერების მიმართულებით, რასაც ხშირად მეტი ღირებულება მოაქვს ბრენდებისთვის.
თუკი იმაზე ვთანხმდებით, რომ ჩვენი ციფრული მარკეტინგული სტრატეგიის განუყოფელი და მნიშვნელოვანი ნაწილი არის ინფლუენსერებთან თანამშრომლობა, მაშინ შესაბამისი ბიუჯეტით მათთან ერთად კონტენტის შექმნას კარგი დაგეგმვა სჭირდება.
ციფრულ არხებში ბევრი “ხმაურია”, რაც ბევრ კონტენტს ნიშნავს – ეს კი, სამწუხაროდ, ხშირად ითარგმნება იმაში, რომ ბრენდები დიდი რაოდენობის კონტენტს არასწორად შერჩეულ ინფლუენსერთან ერთად ქმნიან, რაც შესაბამისად, არასწორ აუდიტორიაზე გასვლას ნიშნავს და ინფლუენსერ მარკეტინგის მთელი ხიბლი და მარგი ქმედების კოეფიციენტი იკარგება.
2023 წელს ძალიან მნიშვნელოვანი იქნება, რამდენად ორგანიზებული იქნება კომპანიის კონტენტი, როცა საქმე ეხება ინფლუენსერ მარკეტინგს. აუცილებელია შედგეს სტრატეგიული გეგმა, რომელიც თანხვედრაშია ბრენდის ძირითად სასაუბრო
თემებთან, მის სამიზნე აუდიტორიასთან. სტრატეგიული მიდგომა ასევე გულისხმობს, რომ ინფლუენსერებთან სტრატეგიული პარტნიორობა არის მნიშვნელოვანი, და არა ერთჯერადი (სთორი დამიდე) თანამშრომლობა.
Როგორც ბრენდებისთვის, ასევე ინფლუენსერებისთვის მნიშვნელოვანი ხდება ისეთი ერთობლივი, სტრატეგიული კონტენტის წარმოება, რომელიც სასარგებლოა სამიზნე აუდიტორიისთვის გრძელვადიან პერიოდში, რაც ორივე მხარის წარმატების მნიშვნელოვანი შემადგენელია.
პ.ს. ვიდეო კონტენტი იქნება წამყვანი მიმართულება, როგორც ინფლუენსერებთან თანამშრომლობისას, ასევე კომპანიის საკუთარ არხებში განთავსებულ კონტენტში.
კლასიკურ მარკეტინგულ ავტომატიზაციის ტექნოლოგიებში სიახლეები ინერგება – წლების განმავლობაში ტექნოლოგიური მარკეტინგი ემსახურებოდა მოხმარებლების სეგმენტაციის დახვეწას, ქცევების/ინტერესების შესწავლას, პროცესების ავტომატიზაციას, მონაცემთა ბაზების შექმნას და ოპტიმიზაციას მარკეტინგულ აქტივობებში გამოსაყენებლად.
Ბოლო პერიოდში კი უკვე შეიმჩნევა სიგნალებზე დაფუძნებული მარკეტინგის ავტომატიზაციის ტრენდი. ქცევები რეალურად მომხმარებლების ინტერესებს ასახავს, მაშინ როცა სიგნალები მომხმარებლისგან არის მინიშნება იმაზე, თუ რა სურს მას. ეს ახალი მოცემულობა კი ასევე მეტი პერსონალიზაციის საშუალებას გვაძლევს.
ახალი ტრენდის კარგი მაგალითია meta-ს ახალი სარეკლამო პროდუქტი Advantage+ Shopping campaigns (იხ. Მეტი ინფო), რაც მარკეტერებს აძლევს საშუალებას, რომ კამპანიის აწყობის (კრეატივების დამატება, აუდიტორიის განსაზღვრა) გამარტივებული პროცესით, შექმნან ისეთი კამპანიები, რომელიც მეტას ალგორითმს მისცემს საშუალებას, აწარმოოს კამპანია ეფექტურად მის ხელთ არსებულ მომხმარებლის სიგნალებზე დაყრდნობით, საბოლოო ჯამში საუკეთესო შედეგის მისაღებად. Შედეგად, მსგავსი კამპანიები წვდება მათ, ვინც ყველაზე მაღალი ალბათობით, შეიძენს თქვენს პროდუქტს.
Google-იც თავის სარეკლამო პლატფორმებზე დიდი ხანია იყენებს და ავითარებს მსგავს მიდგომას. ამ პლატფორმას აქვს საშუალება, მსოფლიოში ორი ყველაზე დიდი საძიებო სისტემის (Google, YouTube), ძიების მონაცემები შეაგროვოს და განსაზღვროს კონტექსტი, რატომ ეძებს მომხმარებელი და ძიების რა ეტაპზეა – ჯერ ზოგადად პროდუქტის მოკვლევას აწარმოებს, თუ უკვე კონკრეტული ნივთი შერჩეული აქვს და ეძებს მაღაზიას, სად იყიდოს.
Ხშირად, “ღირებული” პირდაპირ ფულში ითარგმნება ხოლმე – ფასდაკლება, ვაუჩერი, ქეშბექი, 1+1, 1+2 და ასე შემდეგ. დაზოგვა ყველა მომხმარებელს უხარია. თუმცა, ხშირ შემთხვევაში, ის მომხმარებლისთვის ბრენდთან ურთიერთობის ჩამოყალიბების ბოლო ეტაპის შემადგენელი კომპონენტია.
Ძალიან, ძალიან “გაიჭედა” ციფრული სივრცე კონტენტით. კარგი კონტენტი ცოტაა, ბრენდების წილი და ხმა კი ამ ყველაფერში ნელნელა მცირდება. არადა, ციფრულ მარკეტინგში, მოხმარებელთან პირველი რამდენიმე ინტერაქცია (ე.წ. Top of the funnel) არის ის, რაც მასზე ახდენს შთაბეჭდილებას. ის ამის მიხედვით იღებს გადაწყვეტილებას, იურთიერთოს თუ არა ბრენდთან. ამის შემდეგ ნაბიჯებზეც გრძელდება იგივე – კომპანიებთან ურთიერთობის ყველა ეტაპზე მნიშვნელოვანია, მომხმარებელმა იგრძნოს, რომ ის იღებს ღირებულებას ინტერაქციების ჯაჭვით.
Მაგალითად:
არსებობს მომხმარებლისთვის ღირებული კონტენტის შექმნის რამდენიმე კარგი მიმართულება. მაგალითად, Შეგიძლია მიმართო კონტენტი განათლებაზე – მიაწოდო მომხმარებელს პროდუქტთან დაკავშირებული სრულფასოვანი ინფორმაცია, ახსნა პროცესები, განმარტო რა როგორ მუშაობს და სხვა. ან კიდევ, მისცე ადამიანს ინსპირაცია, ამგვარად აღმოგაჩინოს, როგორც ბრენდი და გარდაიქმნას შენს მომხმარებლად.
ციფრული მარკეტინგი მუდმივად ვითარდება და ბევრი სხვა ტრენდიც შეგვიძლია განვიხილოთ, თუმცა, რომ შევაჯამო – ეს წელი იქნება კონტენტის, სტრატეგიული მიდგომის და ტექნოლოგიური (ალგორითმების) განვითარების წელი ციფრულ მარკეტინგში.
Აღმოაჩინე ციფრული მარკეტინგის კურსების ყველაზე დიდი არჩევანი აფვეიზე და არ გადადო თვითგანვითარება.
