,
პოლონეთის მმართველი პარტიის ლიდერი, იაროსლავ კაჩინსკის განცხადებით ევროკავშირი არასწორი მიმართულებით მიდის.
კაჩინსკიმ ევროკავშირთან დაკავშირებით მორიგი კრიტიკული განცხადება სილეზიის ორდენის კონფერენციის მონაწილეებისთვის გაგზავნილ წერილში დააფიქსირა, რომლის თემა იყო „რამდენი ევროპაა ევროკავშირში?“
„ პასუხი ასეთი უნდა იყოს: ის სულ უფრო და უფრო მცირდება. რა თქმა უნდა, ვგულისხმობ ევროპას ტრადიციული გაგებით, ანუ ევროპას, რომელიც იზრდება სამი ტრადიციიდან: ბერძნული ფილოსოფია, რომაული სამართალი და იუდეო-ქრისტიანული რელიგია“, - აღმნიშნა იაროსლავ კაჩინსკიმ.
„ამგვარად, ჩვენი ცივილიზაციის ფუნდამენტური ფასეულობებისა და პრინციპების ეროზიას აქვს ადგილი. დღევანდელი ევროკავშირი განსხვავდება არა მხოლოდ იმ პროექტისგან, რომელიც მოცემული იყო ევროკავშირის დამფუძნებლების ხედვაში, არამედ იმ პროექტისგანაც, რომელსაც ჩვენ შევუერთდით 2004 წლის 1-ელ მაისს“, - დასძინა მან.
განსხვავებებს შორის კაჩინსკიმ ჩამოთვალა „გერმანიისა და საფრანგეთის დომინირების ზრდა, განსაკუთრებით Brexit-ის შემდეგ“, „ბრიუსელის მიერ უფლებამოსილების მითვისება“, „არასახელშეკრულებო პროცედურების მზარდი გამოყენება“ და „ორმაგი სტანდარტების გამოყენება“.
„ევროკავშირი ერთმნიშვნელოვნად არასწორი მიმართულებით მიდის, მაგრამ ის, რომ მისი ევოლუცია ამ მიმართულებით წავიდა, არ ნიშნავს იმას, რომ ამისთვის წინააღმდეგობის გაწევა და ამის გამოსწორების მცდელობა არ შეიძლება“, - განაცხადა მან.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
