USD 2.7433
EUR 2.8862
RUB 2.7214
თბილისი
«The New York Times» (აშშ): „ნატოს სურს უკრაინას მხარი დაიჭიროს, მაგრამ განსაზღვრული დონით, გადაჭარბების გარეშე“
თარიღი:  223

ამერიკული გაზეთი „ნიუ-იორკ თაიმსი“ (The New York Times) აქვეყნებს სტატიას სათაურით „ნატოს სურს უკრაინას მხარი დაიჭიროს, მაგრამ განსაზღვრული დონით, გადაჭარბების გარეშე“ (ავტორი - ენდრიუ კრამერი), რომელშიც განხილულია უკრაინისადმი სამხედრო დახმარების საკითხები ჩრდილოატლანტიკური ალიანსის ვაშინგტონის სამიტის გახსნამდე.

გთავაზობთ პუბლიკაციას შემოკლებით:

როცა ნატოს ლიდერები ივლისში ვაშინგტონში შეიკრიბებიან ალიანსის 75 წლისთავის უმაღლეს დონზეზე აღსანიშნავად, ყველაზე ბოლო საკითხი, რაც მათ უნდა განიხილონ, უკრაინის მიწაზე რუსეთის ჯარების მოქმედება იქნება, რომლებიც ქვეყნის აღმოსავლეთ ნაწილში მარშირებენ, ევროპისაგან კიევისადმი მხარდაჭერის უუნარობის გამო. უკრაინა ნატოში მიღებას ელოდება, მაგრამ ვაშინგტონის სამიტზე მისი ოცნება არ ასრულდება: ალიანსს არ აქვს ისეთი ახალი წევრის მიღების სურვილი, რომელსაც, წესდების მიხედვით, შეუძლია ნატო ახალ მსხვილ ომში ჩაითრიოს, პირველად 1945 წლის შემდეგ.

ამ გარემოების გამო ნატო იძულებულია „ოქროს შუალედი“ ეძებოს - შესთავაზოს უკრაინას წევრობის ნაცვლად რაღაც მნიშვნელოვანი, რაღაც წონადი, რომელიც შეიძლება კიევისათვის გრძელვადიან მხარდაჭერას ნიშნავდეს. იენს სტოლტენბერგმა რაღაც ამის მსგავსი კი თქვა, მაგრამ არ დაუკონკრეტებია. ალბათ, მხედველობაშია ის საკითხი, რომ გასულ კვირას ნატოს გენმდივნის ინიციატივით საგარეო საქმეთა მინისტრების თათბირზე განიხილეს, მაგრამ მის გადაწყვეტამდე ვერ მივიდნენ: შეიქმნას უკრაინის მხარდაჭერის ფონდი 100 მილიარდი დოლარის ოდენობით, ხუთი წლის ვადით. მოკლედ, ამ საკითხში პროგრესი არ ჩანს.

თუმცაღა, ივლისისათვის ასეთი სახის დახმარებას შეიძლება მნიშვნელობა აღარც კი ჰქონდეს, რადგან რუსეთის არმიის შეტევას აგრძელებს და შეიძლება უკრაინა მარცხის წინაშე აღმოჩნდეს, მით უმეტეს, რომ ამერიკელი კონგრესმენები კიევისათვის დახმარების პაკეტის გამოყოფას არ ჩქარობენ. „განა ჩვენ შეგვიძლია დარწმუნებულები ვიყოთ, რომ რუსეთი არ გამარჯვებს?“, - ამბობს აშშ-ის ყოფილი წარმომადგენელი ნატოში ივო დალდერი, ამჟამად გლობალურისაკითხების ანალიტიკური ორგანიზაციის ხელმზღვანელია ჩიკაგოში, - რა თქმა უნდა, ჩვენ ყველას შეგვიძლია ვიფიქროთ, რომ ნატოს სამიტი ნორმალურად ჩატარდება, მაგრამ რეალურად ასე არ იქნება. ბოლო ორი თვე უკრაინისთვის კარგი არ იყო და უახლოეს მომავალში არ გაუმჯობესდება“.

გასულ წელს ვილნიუსის სამიტზე უკრაინა კიდევ ერთხელ დაარწმუნეს, რომ დადგება დრო და ოდესმე ქვეყანა ალიანის სრულუფლებიანი წევრი გახდება, მაგრამ ამისათვის კიევს დემოკრატიისა და უსაფრთხოების სფეროში მრავალი რეფორმის განხორციელება მოუწევს. ასეთმა ბუნდოვანმა დაპირებამ უკრაინა და მისი ახლო მხარდამჭერები - ბალტიისპირელები,  ჩრდილოელი და აღმოსავლელი ევროპელები ძალიან შეაშფოთა.

ცხრა თვე გავიდა უკრაინის არმიის უიღბლო კონტრშეტევის შემდეგ, ქვეყანა კი ჯერაც ვერ გამოსულა წარუმატებლობის სინდრომიდან. რომ არაფერი ვთქვათ ათი ათასობით უშედეგოდ გასროლილ და დახარჯულ ჭურვზე, კიევმა ვერ მიაღწია მთავარს - ვერ დაიბრუნა რუსეთის მიერ ოკუპირებული ტერიტორრიის რომელიმე მნიშვნელოვანი ნაწილი. დღეს უკრაინის არმიას ჰაერივით ჭირდება ის შეიარაღება, რომელიც რუსების გამაგრებულ ზღუდეებზე განადგურდა. უკრაინის არმიას ჭირდება ჰაერსაწინააღმდეგო დაცვის საშუალებები და სხვა უამრავი სამხედრო ამუნიცია. „მე არ მინდა გავუფუჭო საზეიმო განწყობა ნატოს საიუბილეო სამიტის მონაწილეებს, მაგრამ აუცილებლად ვიტყვი უკრაინელების სახელით იმას, თუ როგორ გვინადგურებენ რუსები თავიანთი რაკეტებითა და დრონებით ჩვენს ენერგოსისტემას, როგორ იღუპებიან ჩვენი თანამოქალაქეები“, - განაცხადა უკრაინის საგარეო საქმეთა მინისტრმა დმიტრო კულებამ ნატოს ბრიუსელის შტაბ-ბინაში. მისი თქმით, „უკრაინა ნატოს წევრი აუცილებლად უნდა გახდეს და ეს უნდა განხორციელდეს რაც შეიძლება სწრაფად“.

იენს სტოლტენბერგი ჩქარობს უკრაინის მოთხოვნა რაღაც სიმბოლური ნაბიჯით მაინც დააკმაყოფილოს. იგი იმედოვნებს, რომ ნატოს ვაშინგტონის სამიტამდე დარჩენილ დროში ევროპელები რაიმე საერთო კომპრომისამდე მივლენ, ხოლო სამიტზე საერთო შეთანხმება დადასტურებულ-დამტკიცებული იქნება. ამავე დროს მან შეაქო დიდი ბრიტანეთი, ჩეხეთი, ფინეთი, საფრანგეთი და გერმანია, რომლებმაც უკრაინას დამატებით მიაწოდეს სამხედრო საჭურველი.

იენს სტოლტენბერგის აჩქარების ქვეტექსტი ისაა, რომ ალიანსს სურს უკრაინა გრძელვადიანი დახმარებით უზრუნველყოს აშშ-ში დონალდ ტრამპის გაპრეზიდენტებამდე, რომელიც დიდი ხნის განმავლობაში ნატოს ევროპელ წევრებს დამცინავად უყურებდა და აიძულებდა „განცხრომით მცხოვრებ“ ევროპელებს მეტი თანხები დაეხარჯათ თავდაცვის დარგში. 

ბრიუსელში აშშ-ის სახელმწიფო მდივანმა ენტონი ბლინკენმა განაცხადა, რომ ალიანსის მიზნები არ შეცვლილა, ნატო მუდამ უკრაინის დახმარებაზე ფიქრობს. ბრიუსელი სხვადასხვა ვარიანტებს ადგენს, თუ როგორი მხარდაჭერა გამოუცხადოს კიევს ვაშინგტონის სამიტზე... თუმცა როგორც მისი კომენტარებიდან ხდება ცნობილი, დღევანდელი სტატუს-ქვოდან მკვეთრი გადახრა მოსალოდნელი არ არის.

წყარო: https://www.nytimes.com/2024/04/04/world/europe/ukraine-nato-stoltenberg-russia.html

 

ანალიტიკა
«Lauterbacher Anzeiger» (გერმანია): „საქართველო პუტინის ორბიტაზე გადადის: უშვებს თუ არა „შეცდომას“ ევროკავშირი?“

გერმანული გაზეთი „ლაუთერბახერ ანცეიგერი“ (Lauterbacher Anzeiger - იბეჭდება ჰესენის მხარეში) აქვეყნებს სტატიას სათაურით „საქართველო პუტინის ორბიტაზე გადადის: უშვებს თუ არა „შეცდომას“ ევროკავშირი?“ (ავტორი - ფლორიან ნაუმანი).

გთავაზობთ პუბლიკაციას შემოკლებით:

საქართველოში ჩატარებული არჩევნებიდან სამ კვირაზე მეტი გავიდა, მაგრამ ევროკავშირს ჯერ კიდევ არ აქვს გამოხატული მკაფიო პოზიცია და ამ ეტაპზე მხოლოდ განმარტებებს ითხოვს. ბრიუსელს ამისათვის საკმაო მიზეზები აქვ: არცევნებში რატომღაც მოულოდნელად გაიმარჯვა სულ უფრო ავტორიტარმა და პრორუსულად განწყობილმა პარტიამ „ქართულმა ოცნებამ“, რაც ბევრ კითხვას იწვევს. ოქტომბრის ბოლოდან ოპოზიცია არჩევნების დროს მომხდარი დარღვევების ფაქტებს აგროვებს, მაგრამ მნიშვნელოვანი კანონდარღვევების რაოდენობა, როგორც ჩანს, საკმარისი არ არის.

დებატები ევროპარლამენტში: საით მიდის საქართველო?

ამ კვირაში ევროპის პარლამენტში მიმდინარე დებატების დროს ორი მომენტი აშკარად გამოიკვეთა: პარლამენტართა ერთმა ნაწილმა ევროკავშირი ორმაგი პოლიტიკის გატარებაში  და არჩევნების შედეგების მხოლოდ პოლიტიკური ნიშნით შეფასებაში დაადანაშაულა, ხოლო მეორე ნაწილმა საქართველოს მთავრობის მიმართ უფრო ხისტი ზემოქმედება მოითხოვა. გადაწყვეტილება (ალბათ, სიმბოლური მნიშვნელობის მქონე) ჯერ მიღებული არ არის.

საბოლოო ჯამში, როგორც ჩანს, ამჟამად საკითხის აქტუალობა იმაშია, გადავა თუ არა  საქართველო რუსეთის ორბიტაზე და გახდება თუ არა მისი თანამგზავრი - მიუხედავად იმისა, რომ მოსახლეობას ევროპული ორიენტაცია აქვს. ასევე მნიშვნელოვანია დადგინდეს - იყო თუ არა არჩევნები დემოკრატიული და სამართლიანი.

გერმანიის „მწვანეთა“ პარტიის წარმომადგენელი სერგეი ლაგოდინსკი და ესტონელი სოციალ-დემოკრატი მარინა კალიურანდი ჯერ კიდევ არ არიან დარწმუნებულები იმაში, რომ საქართველოში არჩევნები გაყალბდა. ყოველ შემთხვევაში, ისინი დამადასტურებელ ფაქტებს ვერ ხედავენ. ორივე პოლიტიკოსი ევროპარლამენტის დელეგაციის - „ევრონესტის“ წევრები არიან, რომელთა მოვალებაშია ურთიერთობა და აზრთა გაცვლა-გამოცვლა ჰქონდეთ ისეთ ქვეყნებთან, როგორებიცაა საქართველო, მოლდოვა, უკრაინა და სომხეთი. სერგეი ლაგოდინსკი, თავის მხრივ, „ევრონესტის“ თავმჯდომარეა.

თბილისი მოსკოვსა და ბრიუსელს შორის

„საქართველო და მოლდოვა ჭადრაკის ფიგურები არ არიან, რომ ჩვენ ისინი დაფაზე გადავაადგილოთ. ისინი სახელმწიფოებს წარმოადგენენ და მათ თავიანთი მომავალი აქვთ“, - ამბობს სერგეი ლაგოდინსკი, რომელსაც მხედველობაში აქვს ორივე ქვეყანაში ჩატარებული არჩევნები. თუმცა იგი ყურადღება ასევე ამახვილებს სავარაუდო გაყალბებაზეც და აღნიშნავს, რომ არსებობს არგუმენტები განმეორებითი არჩევნების ჩასატარებლად.

 „პირადად ჩემთვის საკითხი ასე გამოიხატება: რა უნდა ვუქნათ იმ პარტიას, რომელიც ანტიკონსტიტუციურ პოლიტიკას ატარებს? საქართველოს ძირითად კანონში ჩაწერილია, რომ ქვეყნის მიზანს ევროკავშირთან ინტეგრაცია წარმოადგენს“, - აცხადებს სერგეი ლაგოდინსკი. მმართველი პარტია „ქართული ოცნება“ სიტყვით ოფიციალურად ადასტურებს, რომ მისი მიზანი 2030 წლისათვის ევროკავშირში გაწევრიანებაა, მაგრამ საქმით მთავრობამ უკვე დიდი ხნის გადაუხვია ევროკავშირისაკენ მიმავალი გზიდან, როცა პრორუსული კანონები მიიღო, ბრიუსელის გაფრთხილებისა და საპროტესტო აქციების მიუხედავად. „ვფიქრობ, მართლაც გონივრული იქნებოდა არჩევნების განმეორებით ჩატარება - უბრალოდ, საზოგადოება რომ სიმართლეში დარწმუნდეს“, - ამბობს სერგეი ლაგოდინსკი, - ნებისმიერ შემთხვევაში, თუ დამტკიცდება, რომ მანიპულაციები მართლაც მოხდა, ახალი არჩევნების ჩატარება აუცილებელია, თანაც საერთაშორისო კონტროლით“.

მარინა კალიურანდსაც ასეთივე თავალსაზრისი აქვს: „უნდა დაველოდოთ განმარტებებს [და სასამართლოს გადაწყვეტილებებს], სპეკულირება არ უნდა მოხდეს... მაგრამ თუ დამტკიცდება, რომ არჩევნები იმაზე უარესად ჩატარდა, როგორც ამას ეუთოს დამკვირვებლები აღწერენ, მაშინ ჩვენ მკაფიო რეაგირება უნდა მოვახდინოთ“. აღსანიშნავია, რომ ეუთოს მისიამ დაგმო ცალკეული დარღვევები, მიუთითა მთავრობისა და ოპოზიციის არათანაბარ პირობებზე, მაგრამ არჩევნებში მასშტაბური ფალსიფიცირება არ დაუფიქსირებია.

„ეუთოს მისიამ 2020 წლის არჩევნებიც დაახასიათა როგორც კონკურენტული და კარგად ორგანიზებული“, - ამბობს მარინა კალიურანდი, რომელიც ადრე ესტონეთის საგარეო საქმეთა მინისტრი იყო, მანამდე კი ესტონეთის ელჩი რუსეთში, - „თუმცა ასეთი დახასიათება დემოკრატიული ქვეყნისათვის საკმარისი არ არის. ჩვენ ყველას გვსურს, რომ არჩევნები გამჭვირვალე და პატიოსნად ჩატარდეს“. მისი თქმით, საქართველოსთვის კანდიდატის სტატუსის გაუქმება ლოგიკური იქნება, თუ ქვეყანა თამაშის წესებს არ დაიცავს.

განხეთქილება ევროპარლამენტის მემარჯვენეთა ბანაკში

სერგეი ლაგოდინსკის თქმით, საქართველოს ახალგაზრდა იურისთა ასოციაცია თვლის, რომ არჩევნებში მრავალი დარღვევა მოხდა. „თუ გავითვალისწინებთ იმას, რომ ასოციაციის წევრები ობიექტურად აფქსირებდნენ დარღვევებს მიხეილ სააკაშვილის მმართველობის დროსაც, მაშინ მათი პოზიცია პოლიტიკურად მიუკერძოებლად  უნდა ჩაითვალოს. ეს სერიოზული არგუმენტია“, - ამბობს მწვანეთა პარტიის წარმომადგენელი.

დღემდე ევროკავშირს თავისი მტკიცე პოზიცია დაფიქსირებული არ აქვს. „ალბათ, ეს იმას უკავშირდება, რომ ჯერ-ჯერობით მოსმენები კომისიებში ისევ მიმდინარეობს... საბოლოო ჯამში გადაწყვეტილების მიღება ევროკავშირის წევრი ქვეყნების ნებაზეა დამოკიდებული. ამჟამად რაიმე კონფრონტაცია არ შეიმჩნევა“, - აცხადებს სერგეი ლაგოდინსკი.

ევროპარლამენტში 13 ნოემბერს დებატების დროს აზრდტა სხვადასხვაობა დაფიქსირდა აღმოსავლეთევროპელ მემარჯვენეთა შორის. უნგრელი პოლიტიკოსის ანდრაშ ლასლოს აზრით, საქართველოს მთავრობა ევროკავშირის კურსის ერთგულია და რომ არჩევნების შედეგები ევროკავშირმა უნდა აღიაროს. პოლონელმა მალგოჟატა ჰოსევსკამ ყოფილი მმართველი პარტიიდან „კანონი და სამართლიანობა“, პირიქით, განაცხადა, რომ „საქართველოს ხელისუფლებაში არის პიროვნება, რომელსაც [რუსეთთან] გაურკვეველი კავშირები აქვს“ (იგულისხმება ბიძინა ივანიშვილი). პოლონელმა დეპუტატმა ევროკავშირს მოუწოდა, რომ „საქართველოს მმართველი რეჟიმის ირგვლივ სანიტარული კორდონი უნდა შეიქმნას“.

წყარო: https://www.lauterbacher-anzeiger.de/politik/georgien-rueckt-in-putins-umlaufbahn-begehen-die-eu-einen-error-zr-93415845.html

 

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.