ბოლო დღეებში, საინტერესო ინფორმაციული ძვრებია ახლო აღმოსავლეთიდან.
თავდაპირველად, აშშ-ს ცენტრალური სარდლობის მეთაური, გენერალი მაიკლ კურილა დაუგეგმავი ვიზიტით ეწვია ისრაელეს და საგანგებო შეხვედრა გამართა ბენიამინ ნეთანიაჰუსთან,
ამასთანავე, კურილა ჩავიდა ჯერ იორდანიაში, რომელიც ისრაელზე ირანის პოტენციური თავდასხმის შემთხვევაში ირანული რაკეტების შეკავების ერთ-ერთი პირველი ფრონტია და შემდეგ გაემგზავრა კატარში, რეგიონში აშშ-ს უმსხვილეს ალ უდეიდას ავიაბაზაზე.
პარალელურად, The Telegraph-ის ინფორმაციით, „ირანის ხელისუფლება ელის ისრაელისგან თავდასხმას, ყოველ ღამე,რისთვისაც ყველაფერი მზადყოფნაშია - იმ ობიექტებზეც კი, რომელთა შესახებ არავინ იცის“.
მეტიც, ცნობილი ხდება, რომ ისრაელისა და აშშ-ს მოსალოდნელი თავდასხმის შიშის ფონზე, ირანმა თავისი ბირთვული ობიექტების ირგვლივ თავდაცვის სისტემები მზადყოფნის უმაღლეს დონეზე გადაიყვანა და აქტიურად მიმდინარეობს ცაში ავიაციის საბრძოლო მორიგეობები.
