,
ამერიკულ გაზეთ „უოლ სთრით ჯორნელში“ (The Wall Street Journal) გამოქვეყნებულია სტატია სათაურით „უკრაინის არმია ავდეევკა დატოვა - პირველი ქალაქი, რომელიც რუსეთმა ბოლო თვეებში დაიკავა“ (ავტორები - იზაბელ კოულზი და ალისტერ მაკდონალდი).
რუსეთის ჯარებმა თავიანთი დროშა აღმართეს ავდეევკის თავზე მას შემდეგ, რაც უკრაინის სარდლობამ შეიარაღებულ ძალებს უკან დახევა უბრძანა. ეს ფაქტი რუსეთის პირველი მნიშვნელოვან წარმატებას წარმოადგენს მარტის თვიდან, როცა კრემლის ჯარმა ბახმუტი აიღო. აშკარაა, რომ მოსკოვმა ომში ინიციატივა დაიბრუნა, მაგრამ ამ სიტუაციას თავისი რამდენიმე მიზეზი აქვს: პირველ რიგში ცოცხალი ძალისა და იარაღის ნაკლებობა, მეორე - წარუმატებელი კონტრშეტევა გასული წლის ივნის-ოქტომბერში.
ავდეევკის გაკონტროლება რუსეთს კრემლის სტრატეგიული მიზნის შესრულებასთან აახლოებს - დონბასის ანუ დონეცკისა და ლუგანსკის ოლქების ტერიტორიის სრულად დაკავებასთან. რუსმა სამხედრო ბლოგერებმა უკვე გამოაქვეყნეს ის ადგილი, სადაც ორიოდე თვის წინ, დეკემბერში, პრეზიდენტი ვოლოდიმირ ზელენსკი იდგა და სელფს იღებდა: ახლა იქ რუსული დროშა ფრიალებს.
რუსეთის არმიის წარმატებები იმის მომასწავებელიადემოსტრირებს იმას, თუ რა დიდი პრობლემების წინაშე აღმოჩნდება კიევი თავის აგრესიულ მეზობელთან ბრძოლაში, აშშ-ის მხარდაჭერის გარეშე. „კონგრესს, კერძოდ კი წარმომადგენელთა პალატას ჯერ კიდევ არ მიუღია კანონპროექტი უკრაინისადმი დახმარების თაობაზე, ამიტომაც ჩვენ ვერ შევძელით კიევისათვის საარტილერიო ჭურვები მიგვეწოდებინა, რაც უკრაინელებს ჰაერივით ჭირდებათ“, - ასეთ კომენტარს უკეთებს სიტუაციას ჯონ კირბი, აშშ-ის ეროვნული უშიშროების საბჭოს წარმომადგენელი.
უკრაინელი ჯარისკაცები და ოფიცრები ავდეევკის დაცვისათვის ბრძოლას „ბევრად უფრო ჯოჯოხეთურად“ თვლიან, ბახმუტთან შედარებით. კონფიდენციალურ საუბრებში ის სამხედრო მოსამსახურეები, რომლებიც ავდეევკის ქუჩებში იბრძოდნენ, აღიარებენ, რომ ყველა საშინლად დაღლილია და საბრძოლო სული ძალიან დაქვეითებული აქვთ: „მათ არ იციან, რა მოხდება ავდეევკის დატოვების შემდეგ უახლოეს რამდენიმე საათში, რომ არაფერი ვთქვათ ხვალინდელ და ზეგინდელ დღეზე“.
უკრაინელი ჯარისკაცების თქმით, ავდეევკაში ბრძოლის დროს ისინი საბრძოლო მასალების მწვავე უკმარისობას განიცდიდნენ: რუსების მიერ გასროლილ ყოველ ათ ჭურვს უკრაინელები მხოლოდ ერთი ჭურვით პასუხობდნენ. კიდევ ერთ სერიოზულ პრობლემას წარმოადგენდა ის, რომ რუსების ინტენსიურად იყენებდნენ საავიაციო რაკეტის ტიპის მართვად ავიაბომბებს, რომლებისგანაც უკრაინის არმიას ჯერ-ჯერობით თავდაცვის საშუალებები არ გააჩნია.
როგორც ცნობილია, აშშ-ის მმართველმა დემოკრატიულმა პარტიამ, რომელსაც კონგრესის ზემო პალატაში - სენატში - უმრავლესობა აქვს, შეძლო რესპუბლიკელი სენატორების დარწმუნება და მიღებული იქნა ორპარტიული კანონპროექტი უკრაინისათვის 60 მილიარდი დოლარის დახმარების შესახებ, მაგრამ კანონპროექტის ძალაში შესვლისათვის, ანუ კანონად გადაქცევისათვის აუცილებელია თანხმობის მიღება კონგრესის ქვედა სტრუქტურისაგან - წარმომადგენელთა პალატის წევრებისაგან, რომელთა უმრავლესობას ჯიუტი რესპუბლიკელები შეადგენენ. პალატის სპეკირიც მაიკლ ჯონსონიც რესპუბლიკელია, რომელიც ეწინააღმდეგება უკრაინის დახმარებას და აცხადებს, რომ თუ ადმინისტრაცია თანხას არ გამოყოფს აშშ-ის სახელმწიფო საზღვრის დასაცავად მექსიკასთან, ისე სენატის მიერ მიღებული უკრაინის კანონპროექტი პალატის სამუსაო დღის წესრიგში შეტანილი არ იქნება.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
