,
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „მელანია ტრამპი: საქმიანი ქალის პორტრეტი თეთრ სახლში“ (ავტორი - ბენედიქტ სმიტი).
გთავაზობთ პუბლიკაციის შინაარსს:
მელანია ტრამპმა ქმრის პირველი დღეები თეთრ სახლში თავისი ახალი ოფიციალური პორტრეტით შინაარსიანი გახადა:
შავ-თეთრ ფოტოსურათზე გამოსახული აშშ-ის პირველი ლედი მბრძანებლურ პოზაში დგას მაგიდასთან, ცნობილი რეზიდენციის ოვალურ კაბინეტში.
მელანიას თეთრი პენაგი მკერდზე შეხსნილი აქვს, აცვია მაღალწელიანი შარვალი და შავი პიჯაკი ფართო ლაცკანებით.
ამერიკის პირველ ლედის ხელები ფართოდ აქვს გაშლილი და თითების წვერებით სარკისებურ მაგიდას ეყრდნობა.
მელანია ტრამპის პოზა მოგვაგონებს მისი ქმრის პოზას იმ დროს, როცა დონალდ ტრამპს ტელეარხ NBC-ის მხატვრულ ფილმ-სერიალში იღებდნენ, სახელწოდებით „მოსწავლე: ტრამპის აღმასვლა“ (The Apprentice), 2024 წელს.
ფოტოსურათზე, მელანიას ზურგსუკან, ფანჯრიდან აშშ-ის პირველი პრეზიდენტის ჯორჯ ვაშინგტონის ხსოვნის აღსანიშნავად აგებული ობელისკი მოჩანს.
ფოტოპორტრეტი მომზადებულია ბელგიელი ფოტოგრაფი ქალის რეჟინ მაუს მიერ, რომელმაც მელანია ტრამპი დონალდ ტრამპის პირველი პრეზიდენტობის დროსაც გადაიღო ჯერ თეთრ სახლში, შემდეგ კი ფრანგული ჟურნალის Paris Match-სათვის.
რეჟინ მაუს გადაღებული აქვს აგრეთვე ფოტოები ტენისისტ როჯერ ფედერერისათვის, მომღერალ რიტა ორასათვის, „ფორმულა-1“-ის პილოტ ლუის ჰამილტონისათვის...
მისის მელანია ტრამპის პირველი ოფიციალური ფოტოსურათი თეთრ სახლში - აშშ-ის პირველი ლედის სტატუსით - რეჟინ მაუმ 2017 წელს ფერადი სახით გადაიღო: ფოტოზე შესამჩნევია საქორწინო ბეჭედი, რომელიც მას ქმარმა დონალდ ტრამპმა იმ დროს აჩუქა, როცა მას ხელის სთხოვა დასაქორწინებლად, 2004 წელს. ამ ახალ შავ-თეთრ ფოტოსურათზე კი მელანიას თითზე საქორწინო ბეჭედი არ ჩანს.
სხვათა შორის, მისის მელანია ტრამპი ძალიან მკაცრი ჩაცმულობით გამოირჩეოდა რამდენიმე დღის წინ გამართულ ინაუგურაციის დროს, როცა მისმა ქმარმა ფიცი დადო. მელანიას თავზე ეხურა შლიაპა-კანოტე, რომელიც თითქმის თვალებამდე ჰქონდა ჩამოწეული, ტანს ეცვა გრძელი მოშავო-მოლურჯო პალტო, რადგან ტემპერატურა ვაშინგტონში ნულს ქვემოთ დაეცა.
აღსანიშნავია, რომ ფიცის დადების წინ დონალდ ტრამპი შეეცადა თავისი ცოლისათვის ლოყაზე ეკოცნა, მაგრამ კოცნას ხელი შეუშალა შლიაპის ფართო ფარფლმა.
წყარო: https://www.telegraph.co.uk/us/politics/2025/01/27/melania-trump-official-white-house-portrait/
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
