,
ბრიტანული „დეილი ტელეგრაფი“ (The Daily Telegraph) აქვეყნებს სტატიას სათაურით „შეხედეთ, ჯო ბაიდენს, როგორც ჩანს, აფრიკის ქვეყნების პრეზიდენტებთან სამიტის დროს ჩაეძინა“ (ავტორი - ტონი დაივერი).
გთავაზობთ პუბლიკაციას:
ჯო ბაიდენმა, როგორც ჩანს, გუშინ, ანგოლაში ვიზიტის დროს, აფრიკის ქვეყნების ლიდერებთან შეხვედრაზე, ჩაიძინა - მას თვალები ერთ წუთზე მეტ ხანს დახურული ჰქონდა.
აშშ-ის 82 წლის პრეზიდენტი დაღლილად გამოიყურებოდა და ანგოლაში გამართული სამიტის დროს, მასპინძელი ქვეყნისა და მისი მეზობელი ზამბიისა და კონგოს პრეზიდენტებთან შეხვედრისას, ხრინწიანი ხმით ლაპარაკობდა.
ტანზანიის ვიცე-პრეზიდენტის ფილიპ მპანგოს გამოსვლის დროს კი, მისტერ ჯო ბაიდენმა სახეზე ხელი აიფარა და თვალები დახუჭა - ისე ჩანდა, რომ ჩათვლიმა. შემდეგ ამერიკელი ლიდერი, თითქოსდა უცებ გამოერკვაო, შეკრთა და თვალები გაახილა. მას ყურსაცვამები ეკეთა, თუმცა თარგმანი არ ჭირდებოდა, რადგან გამომსვლელი ჯო ბაიდენის მშობლიურ ინგლისურ ენაზე ლაპარაკობდა.
ინციდენტი მოხდა ანგოლაში ჯო ბაიდენის სამდღიანი ვიზიტის დასასრულს - ეს აშშ-ის პრეზიდენტის პირველი ვიზიტი იყო აფრიკაში, მისი ინაუგურაციის - 2021 წლის შემდეგ.
უკანასკნელ ხანს მისტერ ჯო ბაიდენზე ბევრი მოარული ხმები ვრცელდება, რომ იგი თავს ვერ იკავებს და საჯარო ღონისძიებების დროს ხშირად ეძინება, განსაკუთრებით საერთაშორისო შეხვედრების დროს. რასაკვირველია, ამ დროს, როცა ღრმად მოხუცი ადამიანი გაუნძრევლად ზის, ასაკი თავისას აკეთებს, გონება მოდუნებულია და თვალებს თვლემა ერევა.
4 დეკემბერს „ლობიტუს დერეფნის“ (რკინიგზის მშენებარე მაგისტრალი „ანგოლა-კონგო-ზამბია“) ქვეყნების ლიდერების სამიტში რამდენიმე აფრიკული ქვეყნის ლიდერი მონაწილეობდა. მოლაპარაკება გაიმართა მას შემდეგ, რაც მათ ლობიტუს ნავსადგურის ტერმინალი და ტანამედროვე ტექნოლოგიებით აშენებული საკვები პროდუქტების გადამამუშავებელი ქარხანა დაათვალიერეს. როგორც ჩანს, მოხუცი ამერიკელი პრეზიდენტი გადაიღალა.
მისტერ ჯო ბაიდენს ადრეც არაერთხელ უთქვამს, რომ მისთვის ძნელი გადასატანია საერთაშორისო ვიზიტები და როცა მან დონალდ ტრამთან ტელედებატები წააგო ივნისში, მარცხი ევროპულ ვიზიტს და კალიფორნიაში მგზავრობას დააბრალა. იტალიაში ვიზიტის დროს ჯო ბაიდენმა „დიდი შვიდეულის“ ვახშამზე არ დაესწრო, რადგან დაეძინა „დაძაბული ორდღიანი დიპლომატიური მუშაობის გამო“.
ნატოს საიუბილეო სამიტზე ვაშინგტონში ჯო ბაიდენმა ვოლოდიმირ ზელენსკი დამწრეთ შეცდომით ვლადიმერ პუტინად წარუდგინა.
იმის გამო, ჯო ბაიდენი ხშირად მოჩანს ხოლმე დაბნეული და დაღლილი საერთაშორისო არენაზე, დონალდ ტრამპმა მას „მძინარე ჯო“ დაარქვა, რომელმაც ეს მეტსახელი 2019 წელს მოიფიქრა მათი პირველი წინასაარჩევნო დებატების დროს.
ანგოლაში 4 დეკემბერს გამართული შეხვედროს დროს ჯო ბაიდენმა თავის აფრიკელ კოლეგებს უთხრა, რომ მას ძალიან მოეწონა „ლობიტუს დერეფანში“ გასეირნება, სადაც რკინიგზის მშენებლობაში აშშ-ის ინვესტიციებია ჩადებული. თავის გამოსვლაში „მძინარე ჯომ“ ანგოლას „მშვენიერი ქალაქი“ უწოდა, თუმცა იქვე გაასწორა; „ბოდიში, გამახსენდა, რომ ანგოლა ქალაქი არ არის. მინდოდა მეთქვა, ანგოლის ამ მშვენიერ ქალაქში“. მან კომენტარი გაუკეთა დონალდ ტრამპის თეთრ სახლში დაბრუნებას და განაცხადა: „როგორც იცით, მე ჩემი პრეზიდენტობის ბოლო კვირებს ვითვლი. ტაშს არ ვითხოვ, მაგრამ თუ გსურთ, შეგიძლიათ ტაშიც დამიკრათ“.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
