«The Daily Telegraph» (დიდი ბრიტანეთი): „ანგელოზთა ქალაქი“ ფერფლისგან აღდგება. ჰოლივუდის ფილმებში ნაჩვენები ვირტუალური კატასტროფები სინამდვილე ხდება“.

дата: 500

ბრიტანული გაზეთი „დეილი ტელეგრაფი“ (The Daily Telegraph) აქვეყნებს სარედაქციო სტატიას სათაურით „ანგელოზთა ქალაქი“ ფერფლისგან აღდგება // ჰოლივუდის ფილმებში ნაჩვენები ვირტუალური კატასტროფები სინამდვილე ხდება“, რომელშიც იმედია გამოხატული - კალიფორნიაში, ლოს-ანჟელესში მიმდინარე ხანძრებს ჩააქრობენ და დამწვარი ქალაქი ისევ აღორძინდება.

გთავაზობთ პუბლიკაციას:

აპოკალიპტური სცენები, რომლებიც ტყის ხანძრებით არის გამოწვეული და რომლის შედეგად ლოს-ანჟელესის ელიტური კვარტლები გადაიწვა, თითქოსდა ჰოლივუდის მიერ გადაღებულ ფილმ-კატასტროფებს რეალობად აქცევს. ჯოჯოხეთურმა ცეცხლმა, რომელსაც ქარი „სანტა-ანა“ აძლიერებს უჩვეულო გვალვიანი წლის შემდეგ, ათეულობით ადამიანის სიცოცხლე შეიწირა და მთლიანად გაანადგურა ათასობით სახლი, რომელთა უმეტესობა ძვირადღირებული იყო. ბევრი მათგანი იმავე ჰოლივუდის მსახიობებს ეკუთვნოდათ.

მოსალოდნელია, რომ ზარალი 100 მილიარდ დოლარს გადააჭარბებს. სამწუხაროდ, ბევრი სახლი და ობიექტი დაზღვეული არ ყოფილა, შესაბამისად, სადაზღვევო კომპანიები ზარალს არ აანაზღაურებენ. თუმცა დამწვარი დაზღვეული ქონების ღირებულება იმდენია, რომ თანხა არ ეყოფათ და დამატებით 20 მილიარდი დოლარის დახმარება დაჭირდებათ.

ხანძრები კალიფორნიაში ხშირად ხდება, მაგრამ როგორც ჩანს, ამჯერად შტატისა და თვითონ ლოს-ანჟელესის ხელისუფლება, ასევე ბინათმფლობელები, სრულიად მოუმზადებლები აღმოჩნდნენ ისტორიულად უძლიერესი ხანძრის წინაშე.

როგორც აშშ-ის მასმედია იტყობინება, სახანძრო ჰიდრანტები მწყობრიდან ყოფილა გამოსული, ან წყალი ძალიან დაბალი წნევით მიეწოდებოდა. ამ და სხვა ფაქტებმა მოსახლეობის აღშფოთება გამოიწვია - მათ თავიანთი რისხვა პოლიტიკოსებისა და თანამდებობის პირებისაკენ მიმართეს.

აშშ-ის არჩეულმა პრეზიდენტმა დონალდ ტრამპმა ტრაგედიაში კალიფორნიის შტატის ხელისუფლება დაადანაშაულა, რომელიც ძირითადად დემოკრატებისაგან შედგება (გუბერნატორიც დემოკრატიული პარტიის წევრია) და განაცხადა, რომ წყალმომარაგებაში მათ უხეში შეცდომები დაუშვეს. არ არის გამორიცხული, რომ დონალდ ტრამპი პოლიტიკური კაპიტალის დაგროვებას ცდილობს იმისათვის, რომ თავიდან მოიშოოს მისთვის საძულველი გუბერნატორი გევინ ნიუსომი. თუმცა, თუ უკვე დაწყებული გამოძიება დანაშაულის კვალს აღმოაჩენს, პასუხისმგებლობას ვერავინ გადაურჩება, იმდენად დიდი უბედურება ხდება.

როგორი საშინელიც არ უნდა იყვნენ ხანძრები, როგორც ჰოლივუდის ფილმებში აჩვენებენ ხოლმე, ლოს-ანჟელესელთა თავდადება და გმირობა ნამდვილად დასაფასებელია. უეჭველია, რომ „ანგელოზთა ქალაქი“ ტრაგედიას თავს გაართმევს და კვლავ აღორძინდება.

წყარო: https://www.telegraph.co.uk/news/2025/01/13/los-angeles-resilient-rise-again/

Тбилиси

კრწანისის რაიონის გამგებელმა, ლაშა ცაგურიამ მიმდინარე წელს განხორციელებული პროექტების შესახებ ანგარიში წარადგინა

კრწანისის რაიონის გამგებელმა, ლაშა ცაგურიამ მიმდინარე წელს განხორციელებული ინფრასტრუქტურული, სოციალური, საგანმანათლებლო, კულტურული და სპორტული პროექტების შესახებ ანგარიში წარადგინა.

წლიური ანგარიშის პრეზენტაციას თბილისის მერის მოადგილე კახა აბულაძე დაესწრო.

როგორც რაიონის გამგებელმა აღნიშნა, 2025 წელს კრწანისის რაიონში არაერთი მნიშვნელოვანი პროექტი დასრულდა, მათ შორის, სრულად განახლდა ზემო ფონიჭალის ცენტრალური ქუჩა, სადაც მოეწყო 1 372 გრძივი მეტრი დახურული სანიაღვრე ქსელი, გრუნტის დამჭერი კედელი, გასუფთავდა უკანონოდ შემოღობილი ტერიტორიები და მათ ნაცვლად გამწვანების თარგები მოეწყო. პროექტის განსახორციელებლად ადგილობრივი ბიუჯეტიდან 3 000 000 ლარზე მეტი დაიხარჯა.

სულ, საანგარიშო პერიოდში საგზაო ინფრასტრუქტურა 84 მისამართზე მოწესრიგდა.

რაც შეეხება მწვანე სივრცეებს, რაიონში 12 მისამართზე მოეწყო და რეაბილიტირდა სკვერები და მოსასვენებელი ზონები, ხოლო 98 მისამართზე მცირე სარემონტო სამუშაოები ჩატარდა.

“ბინათმესაკუთრეთა ამხანაგობების განვითარების ხელშეწყობის“ პროგრამის ფარგლებში, 183 პროექტი განხორციელდა, კერძოდ რეაბილიტირდა სახურავები, ლიფტები, წყალარინების სისტემები და შეკეთდა სართულშუა ნაპრალები.

როგორც პრეზენტაციაზე აღინიშნა, კრწანისში მცხოვრებ 8000-ზე მეტ განმცხადებელს სხვადასხვა სახის სოციალური დახმარება გაეწია.

ამასთან, გამგეობის ორგანიზებით, მოეწყო სხვადასხვა სპორტული, შემეცნებითი და გასართობი ღონისძიება.

ანგარიშის პრეზენტაციას, თბილისის მერის მოადგილის გარდა, ესწრებოდნენ კრწანისის მაჟორიტარი დეპუტატი საკრებულოში ლევან ჯაფარიძე, თბილისის საკრებულოს განათლებისა და კულტურის კომისიის თავმჯდომარე ბექა ოდიშარია და თბილისის საკრებულოს ჯანმრთელობის დაცვისა და სოციალურ საკითხთა კომისიის თავმჯდომარე ბექა მიქაუტაძე.