USD 2.7384
EUR 2.8548
RUB 2.6619
Тбилиси
გიორგი ტყემალაძე: „ჩვენ გვაქვს პასუხისმგებლობა და ჩვენი მანდატის ფარგლებში აუცილებლად შევძლებთ დაპირებების შესრულებას“
дата:  262

თბილისის საკრებულოს თავმჯდომარემ და ვაკის რაიონის მაჟორიტარმა დეპუტატმა გიორგი ტყემალაძემ საზოგადოებას 2022-2023 წლების საქმიანობის ანგარიში წარუდგინა.

გიორგი ტყემალაძემ თბილისის საკრებულოს მიერ გაწეულ საქმიანობასა და დედაქალაქის მასშტაბით განხორციელებულ პროექტებზე ისაუბრა, მათ შორის ყურადღება გაამახვილა ვაკის რაიონში მიმდინარე და დასრულებულ პროექტებზე.

თბილისის საკრებულოს მიერ მიღებული გადაწყვეტილებებიდან გიორგი ტყემალაძემ დედაქალაქისთვის მნიშვნელოვანი რამდენიმე პროგრამა გამოყო. როგორც საკრებულოს თავმჯდომარემ განაცხადა, ავარიული სახლების ჩანაცვლების მიზნით ხორციელდება ახალი პროგრამა - მუნიციპალიტეტის ტერიტორიაზე ავარიული მრავალბინიანი საცხოვრებელი სახლების ჩანაცვლება, რომლის ფარგლებშიც უკვე რამდენიმე პროექტი მიმდინარეობს.

ამას გარდა, საკრებულოს თავმჯდომარის თქმით, ძველი თბილისის ისტორიული ნაწილის რეაბილიტაციისათვის შემუშავდა ხელშემწყობი ღონისძიებები. ასევე, ავარიული მრავალბინიანი სახლების ჩანაცვლების ფარგლებში, კერძო ინვესტორის მიერ პროექტის განხორციელების შემთხვევაში, შესაძლებელი გახდა IV კატეგორიის ავარიული შენობის ჩანაცვლება.

გიორგი ტყემალაძის განცხადებით, სხვადასხვა ხელშემწყობი ღონისძიებები უკვე შეეხო 17 პროექტს, რომლის ბიუჯეტიც დაახლოებით 14 000 000 ლარია. „საბინაო პოლიტიკის მიმართულებით ნამდვილად მნიშვნელოვანი გადაწყვეტილებები მივიღეთ. 250-მდე ოჯახი პრივატიზების გზით სიმბოლურ ფასად, 1 ლარად, საცხოვრებელი ფართებით დაკმაყოფილდა. კოოპერატიული ბინათმშენებლობით დაზარალებული 2200 ოჯახისთვის კი ახალი ბინები აშენდება. რაც შეეხება დაუმთავრებელი მშენებლობებით გამოწვეულ პრობლემებს, მათი მოგვარების მიზნით 1000-მდე ოჯახის პრობლემა გადაიჭრა“, - განაცხადა გიორგი ტყემალაძემ.

თბილისის საკრებულოს თავმჯდომარის თქმით, პროექტების განხორციელების მთავარი საწინდარი დედაქალაქის უპრეცედენტოდ მაღალი ბიუჯეტია. როგორც გიორგი ტყემალაძემ განაცხადა, თბილისის მთავარმა საფინანსო დოკუმენტმა რეკორდულ მაჩვენებელს - 1 მილიარდ 833 მილიონ ლარს - მიაღწია. ანგარიშში მნიშვნელოვანი ნაწილი სატრანსპორტო რეფორმას დაეთმო. გიორგი ტყემალაძემ იმ ძირითად მიმართულებებზე ისაუბრა, რომლებიც რეფორმის ფარგლებში საზოგადოებრივი ტრანსპორტის განვითარებისთვის განხორციელდა. მათ შორის საუბარი ტაქსების რეფორმას, მეტროს რეაბილიტაციას და ზონალურ-საათობრივ პარკირებას შეეხო.

რაც შეეხება 2022-2023 წლებში თბილისში განხორციელებულ მსხვილ ინფრასტრუქტურულ პროექტებს, გიორგი ტყემალაძემ მარშალ გელოვანის გამზირის და მუხრან მაჭავარიანის ქუჩის დამაკავშირებელი ახალი გზის რეაბილიტაციის, ჟვანიას მოედნისა და მელიქიშვილის გამზირის რეკონსტრუქციის, ასევე პუშკინის სკვერის რეაბილიტაციის შესახებ ისაუბრა. თბილისის საკრებულოს თავმჯდომარემ მიმდინარე პროექტების შესახებაც ისაუბრა და აკაკი წერეთლის გამზირისა და შოთა შალიკაშვილის სახელობის (ე.წ. დიდუბის) ხიდის რეაბილიტაცია, რამდენიმე მულტიფუნქციური ცენტრის მშენებლობა და რეკრეაციული სივრცეების მოწყობა გამოყო.

გიორგი ტყემალაძემ ძველი თბილისის რეაბილიტაციის ფარგლებში განხორციელებული პროექტების შესახებაც ისაუბრა. როგორც საკრებულოს თავმჯდომარემ განაცხადა, მიმდინარეობს ეროვნული სასახლის, აბრეშუმის სახელმწიფო მუზეუმის და კადეტთა კორპუსის რეაბილიტაცია. რაც შეეხება სოციალურ პროექტებს, გიორგი ტყემალაძემ ჯანდაცვის მიმართულებით განხორციელებულ პროგრამებზე ისაუბრა, რომელთაც მისი თქმით, მიმდინარე წელს, ენდოპროთეზირების პროგრამა დაემატა, გაფანტული სკლეროზის და ტრანსპლანტაციის პროგრამებით გათვალისწინებული დაფინანსება კი 100% -მდე გაიზარდა.

რაც შეეხება საკრებულოს კიდევ ერთ ფუნქციას - გეოგრაფიული ობიექტების სახელდებას - ანგარიშის თანახმად, საანგარიშო პერიოდში საკრებულოს მიერ სულ 100-ზე მეტი ობიექტის სახელდება განხორციელდა. თბილისის საკრებულოს თავმჯდომარისა და ვაკის რაიონის მაჟორიტარის გიორგი ტყემალაძის საქმიანობის ანგარიშში ყურადღება ვაკის რაიონში განხორციელებულ პროექტებზეც გამახვილდა. როგორც ანგარიშშია ნათქვამი, ამჟამად უნივერსიტეტის ქუჩის სარეაბილიტაციო სამუშაოები მიმდინარეობს და გრძელდება ბაგებისა და უნივერსიტეტის ქუჩის დამაკავშირებელი საავტომობილო ხიდის მშენებლობა.

გიორგი ტყემალაძემ მოსახლეობას ვაკეში უკვე განხორციელებული და სამომავლოდ დაგეგმილი პროექტებიც გააცნო. „ვფიქრობ, რომ ნამდვილად გამორჩეული წელი იყო. ჩვენ საფუძველი ჩავუყარეთ კიდევ მრავალ მნიშვნელოვან პროექტს, მაგრამ ავარიული სახლების ჩანაცვლების პროექტი მომდევნო წლების განმავლობაში ჩვენი ქალაქის ერთ-ერთი საკვანძო პროექტი გახდება და შედეგსაც გამოიღებს. ასევე, ძალიან მნიშვნელოვანია ისტორიული არეალის, ისტორიული ძეგლების რეაბილიტაცია-განვითარება, რომლის მაკომპენსირებელი ღონისძიებებიც უკვე დაწყებულია.

აღსანიშნავია, ახალი სარეკრეაციო სივრცეებისა და ინფრასტრუქტურის მოწყობა. განსაკუთრებით მინდა გამოვყო სატრანსპორტო პოლიტიკა, რომელიც ითვალისწინებს იმგვარ მიდგომებს, რომ საზოგადოებრივი ტრანსპორტი მაქსიმალურად მიმზიდველი გახდეს. ჩვენ გვაქვს პასუხისმგებლობა და ჩვენი მანდატის ფარგლებში აუცილებლად შევძლებთ დაპირებების შესრულებას“, - განაცხადა გიორგი ტყემალაძემ.

аналитика
«The Washington Post» (აშშ): „ომისადმი შიშის გამო, საქართველო რუსეთისაკენ დაბრუნებას ირჩევს“

ამერიკული გაზეთი „ვაშინგტონ პოსტი“ (The Washington Post) აქვეყნებს სტატიას სათაურით „ომისადმი შიშის გამო, საქართველო რუსეთისაკენ დაბრუნებას ირჩევს“ (ავტორი - მარია ილიუშინა), რომელშიც განხილულია არჩევნებისშემდგომი სიტუაცია საქართველოში.

გთავაზობთ პუბლიკაციას შემოკლებით:

(...) ქართველთა უმრავლესობა - გამოკითხვების მიხედვით, 80%-ზე მეტი - მხარს უჭერს ქვეყნის ევროპულ ორიენტაციას და მოსკოვის მიმართ მაინცდამაინც განსაკუთრებულ სიყვარულს არ ამჟღავნებს, ოპოზიცია კი ცდილობს ხმის მიცემის შედეგები წარმოადგინოს როგორც არჩევანი ევროკავშირსა და რუსეთს შორის.

მაგრამ იმის გათვალისწინებით, რომ ორ ქვეყანას შორის 2008 წლის აგვისტორში მომხდარი ხანმოკლე ომის შედეგად საქართველოს ტერიტორიის 20% დე-ფაქტოდ რუსეთის კონტროლის ქვეშ იმყოფება, მოსკოვის სამხერო ძლიერების ჩრდილი სულ უფრო შესამჩნევი ხდება. შესაბამისად, „ქართულმა ოცნებამ“ ამომრჩევლებს უფრო რადიკალური დილემა შესთავაზა: არჩევანი მშვიდობასა და ომს შორის.

მმართველი პარტიის „რუსეთის მხარეს შებრუნება“ შედარებით ახალ მოვლენას წარმოადგენს. 2012 წელს, როცა „ქართული ოცნება“ ხელისუფლებაში მოვიდა, მნიშვნელოვან საგარეოპოლიტიკურ წარმატებას მიაღწია - სწრაფად დაუახლოვდა ევროკავშირს მასში გაწევრიანების სურვილით, მაგრამ რუსეთ-უკრაინის ომის დაწყების კვალობაზე პარტიამ რუსეთის ორბიტისაკენ გადაუხვია. მთავრობამ ევროპა და ადგილობრივი ოპოზიცია წარმოადგინა „ომის გლობალური პარტიად“, რომელსაც სურს საქართველო მოსკოვთან ომში ჩაითრიოს და კრემლთან დაპირისპირების ინსტრუმენტად გამოიყენოს

ამჟამად „ქართული ოცნება““ ოფიციალურად პრორუსულ პარტიას არ წარმოადგენს, მაგრამ ხშირად მისი პრაქტიკული მოქმედება საერთო პრორუსულ ჩარჩოებში ჯდება. 

ევროპული გზიდან გადახვევის პოლიტიკის ცენტრში მოჩანს „ქართული ოცნების“ დამაარსებელი ბიძინა ივანიშვილი - მილიარდერი, ყოფილი პრემიერ-მინისტრი, რომელიც ბოლო ათწლეულში წავიდა ქართული პოლიტიკიდან, მაგრამ იმავდროულად გავლენიან ადამიანად რჩებოდა. ბიძინა ივანიშვილი რუსეთში ყოფნის დროს გამდიდრდა, 1990-იან წლებში და როგორც მისი კრიტიკოსები ამბობენ,  მისი რიტორიკა და პოლიტიკური მრწამსი რუსეთის ლიდერის პოზიციას უთავსდება.

რუსეთის არმიის უკრაინაში შეჭრის დაწყებიდან პურველ ეტაპზე საქართველომ უკრაინას მხარი დაუჭირა. თბილისში დღესაც ბევრი უკრაინული დროშა ფრიალებს, მაგრამ მთავრობა თავს იკავებს რუსეთის გადაჭარბებული კრიტიკისაგან და ერიდება ანტირუსული სანქციების რეალიზებას.

„ჩვენ, როგორც ქვეყნის მმართველმა პარტიამ, მთავრობამ, ყველაფერი გავაკეთეთ უკრაინისა და უკრაინელი ხალხის მხარდასაჭერად“, - განაცხადა „ვაშინგტონ პოსტთან“ საუბარში „ქართული ოცნების“ თავმჯდომარის მოადგილემ არჩილ თალაკვაძემ, მაგრამ, მისი თქმით, დასავლეთის ოფიციალურმა პირებმა რუსეთ-უკრაინის ომში საქართველოს ჩათრევა მოისურვეს: „ჩვენ ჩავთვალეთ, რომ ასეთი პოლიტიკა საქართველოსათვის ძალზე სარისკო და გაუმართლებელი იქნებოდა“.

„ქართულმა ოცნებამ“ წინასაარჩევნო კამპანიის დროს აქტიურად ისარგებლა უკრაინის ომით და ამომრჩევლებს პლაკატების სერია შესთავაზა, რომლებზე გამოსახულია ერთი მხრივ, ომით დანგრეული უკრაინის ქალაქები და სოფლები, მეორე მხრივ - აღმშენებლობის პროცესში მყოფი საქართველო. ასეთმა პროპაგანდამ თავისი გამოძახილი ჰპოვა რუსეთთან ომგადატანილ საქართველოს მოსახლეობაში, განსაკუთრებით სოფლებში, ოკუპირებულ რეგიონებთან ახლოს, მხარეთა დამაშორიშორებელ ე.წ. სადემარკაციო ხაზის გასწვრივ.

როგორ ავიცილოთ თავიდან ომი

ქართველებს კარგად ახსოვთ 2008 წლის აგვისტოს ომი. ჭორვილისაკენ - ბიძინა ივანიშვილის მშობლიური სოფლისაკენ მიმავალი გზა, რომელიც კავკასიის ქედის სამხრეთ კალთებზე მდებარეობს, სწორედ რუსეთის მიერ ოკუპირებული რეგიონის - სამხრეთ ოსეთთან ახლოს გადის, სულ რაღაც ორიოდე კილომეტრში, სადემარკაციო ხაზთან.

ჭორვილაში ბიძინა ივანიშვილს თითქმის ეროვნულ გმირად თვლიან - მდიდარ ადამიანად, რომელიც თანასოფლელებს ყოველმხრივ ეხმარებოდა - სახლებისა თუ გზების მშენებლობაში, ჯანდაცვასა თუ კომუნალური გადასახადების გადახდაში, სანამ მან სახელმწიფო თანამდებობა - ქვეყნის პრემიერ-მინისტრის პოსტი არ დაიკავა.

„მე ომის მოწინააღმდეგ ვარ. დარწმუნებული ვარ, რომ „ქართული ოცნება“ მსვიდობას შეინარჩუნებს. არ გვსურს, რომ რომელიმე ქვეყანა საქართველოს მტერი იყოს და არც ის გვინდა, რომ საქართველოს იყოს სხვა ქვეყნის მტერი“, - ამბობს გიორგი გურძენიძე, სკოლის დირექტორი, რომელსაც ახსოვს, თუ როგორ ხმაურით დაფრინავდნენ სოფლის თავზე, ცაში რუსული თვითმფრინავები 2008 წელს.

„ქართული ოცნება“ აქტიურად უჭერს მხარს ბიძინა ივანიშვილის პოლიტიკური კურსის ორ ძირითად მომენტს - მშვიდობას ნეიტრალიტეტის გზით და ქართული ტრადიციული ფასეულობების დაცვას. „ქართული ოცნების“ მტკიცებით, მისი სტრატეგიული მიზანი არ შეცვლილა - ევროინტეგრაცია ძალაში რჩება, რომლის რეალიზებას 2030 წლისათვის არის დაგეგმილი: საქართველო ევროკავშირის წევრი გახდება „ღირსეულად“ და ტრადიციული ეროვნული ფასეულობების დაცვით.

„რა თქმა უნდა, მსურს ევროკავშირის წევრი ვიყოთ, მაგრამ ჩვენ ჩვენი წინაპრების ღირსებაც და მემკვიდრეობაც უნდა დავიცვათ. ქალი ქალი უნდა იყოს, კაცი კი - კაცი“, - ამბობს ჭორვილელი მამია მაჭავარიანი.

ქართველთა ღირსება კი დაცული იქნება ორი კანონით, რომლებმაც, პრაქტიკულად, ევროკავშირში საქართველოს პოტენციური წევრობის პროცესი შეაჩერეს - იმიტომ, რომ მათი დებულებები ევროპული ბლოკის სტანდარტებს ეწინააღმდეგება. ეს კანონებია „ოჯახური ფასეულობებისა და არასრულწლოვანების დაცვის, ასევე უცხოური გავლენის გამჭვირვალობის შესახებ, რომლებიც, როგორც ოპოზიცია აცხადებს, რუსული სამართლებრივი აქტების ასლებს წარმოადგენენ.

ევროპა შორეული ხდება?!

საქართველოს დედაქალაქის მცხოვრებთა ნაწილი შეშფოთებულია, რომ ქვეყნის შანსი ევროკავშირის წევრობაზე მცირდება. „არჩევნებში „ქართული ოცნების“ გამარჯვება სხვა არაფერია, თუ არა ხელისუფლების უზურპაცია“, - ამბობს 38 წლის გიორგი, რომელიც გვარს არ ასახელებს, ვაითუ დევნა დაუწყონ, - „ჩვენ ევროკავშირთან ინტეგრაცია უნდა გავაღრმავოთ. რუსეთთან დაახლოებას კი არცერთი ნორმალური ქვეყანა არ ცდილობს. პრორუსუსლი ორიენტაცია თვითმკვლელობას ნიშნავს, რადგან მოსკოვი არანაირი შეთანხმების პირობებს არ იცავს“.

ოპოზიცია მწვავედ აკრიტიკებს „ქართული ოცნების“ ომის წინააღმდეგ მიმართულ კურსს და მას პროპაგანდისტულს უწოდებს, ზოგიერთები კი თვლიან, რომ მმართველ პარტიის მხრიდან ამგვარი ლოზუნგების წარმოჩენა ხელისუფლებაში დარჩენასა და ერთპარტიული მმართველი სისტემის შენარჩუნებას ემსახურება.

პარტია „საქართველოსათვის“ ლიდერის გიორგი გახარიას განცხადებით, ბიძინა ივანიშვილისა და „ქართული ოცნების“ პოლიტიკაში მომხდარი ცვლილებები - პრორუსული გადახრები - იმითაა გამოწვეული, რომ ევროკავშირში გაწევრიანება ხელისუფლების როტაციას ნიშნავს: „მისი მთავარია მიზანია ხელისუფლების შენარჩუნება. იგი ხედავს, რომ ევროპული დემოკრატია ხელისუფლების არჩევნების გზით შეცვლას ითვალისწინებს“.

მაგრამ არჩევნების შედეგების წინააღმდეგ მიმდინარე საპროტესტო აქციები ისეთივე ძლიერი და ფართო არ არის, როგორიც გაზაფხულზე მიმდინარეობდა ზემოთ ხსენებული კანონების მიღების დროს. ეს ნიშნავს, რომ ოპოზიცია გამოფიტულია. მათ ვერც დასავლეთი ვერ უწევს სათანადო დახმარებას. ბრიუსელს შეუძლია გარკვეული ზეწოლა მოახდინოს „ქართულ ოცნებაზე“, მაგრამ ევროპელი ჩინოვნიკების რეაქცია აწონილ-დაწონილია: დამკვირვებლებმა ნამდვილად დააფიქსირეს დარღვევები, მაგრამ მათ თავი შეიკავეს იმის განცხადებაზე, რომ არჩევნები გაყალბდა და ხმები მოპარულია.

არჩევნებში მომხდარი ყველა დარღვევის დეტალურად გამოკვლევა დროს მოითხოვს - კვირეებს და შეიძლება თვეებსაც, თანაც საკმაოდ რთულია მათი დამტკიცება-დადასტურება. „ჩვენ ახლა ისეთ სიტუაციასთან გვაქვს საქმე, როცა დასავლეთს არ სურს ხისტი ნაბიჯები გადადგას საკმარისი მტკიცებულებების გარეშე, ოპოზიციას კი საკმარისი მტკიცებულებები არ აქვს“, - ამბობს ჯონ დიპირო საერთაშორისო რესპუბლიკური ინსტიტუტიდან.

ბიძინა ივანიშვილი აშკარად იმაზე დებს თავის ფსონს, რომ ევროპა საქართველოსადმი ინტერესს დაკარგავს. ჯერ კიდევ ზაფხულში იგი აცხადებდა, რომ აშშ-ის საპრეზიდენტო არჩევნებში დონალდ ტრამპის გამარჯვება რუსეთ-უკრაინის ომს დაასრულებს. „ჩვენ მაქსიმუმ ერთი წელი გვაქვს, რომ ეს ყველაფერი მოვითმინოთ, შემდეგ კი [დასავლეთის] გლობალური და რეგიონული ინტერესები შეიცვლება, მათთან ერთად კი შეიცვლება ინტერესები საქართველოს მიმართაც“, - ამბობდა ბიძინა ივანიშვილი, - ომის დასრულებასთან ერთად კი ყველა გაუგებრობა ევროპასთან და ამერიკასთან გაქრება“.

წყარო: https://www.washingtonpost.com/world/2024/11/21/georgia-russia-elections-influence/

 

более
голосование
ვინ გაიმარჯვებს რუსეთ - უკრაინის ომში?
голосование
Кстати