უზბეკეთში, ტაშკენტში, „გრანდ სლემი“ მიმდინარეობს. ტურნირზე იასპარეზა ქართველმა ძიუდოისტმა გიორგი სარდალაშვილმა (-60 კგ). სპორტსმენი ფინალში მასპინძელი ქვეყნის წარმომადგენელ დოსტონ რუზიევთან დამარცხდა და შეჯიბრება ვერცხლის მედლით დაასრულა.
ფინალურ შეხვედრამდე გიორგი სარდალაშვილმა უზბეკ, ტაჯიკ და ყაზახ სპორტსმენებს აჯობა, ნახევარფინალში კი ფრანგ რომენ ვალდიე პიკარს სძლია.
„გრანდ სლემის“ პირველ დღეს წარუმატებლად იასპარეზეს ლუხუმ ჩხვიმიანმა (-60 კგ) და ლაშა ნადირაძემ (-66 კგ). მედლების მოპოვებას შეეცდებიან ბაგრატ ნინიაშვილი (-73 კგ), ვარლამ ლიპარტელიანი და იმედა გოგოლაძე (-100 კგ). ტაშკენტის „გრანდ სლემზე“ 68 ქვეყნის 495 სპორტსმენი ასპარეზობს.
