USD 2.8071
EUR 3.0151
RUB 3.3627
Тбилиси
გიორგი კობერიძე - 26-28 ივლისს ნიგერში გადატრიალება მოხდა, რის შემდეგაც სამხედროებმა მთავრობის წევრები დააკავეს
дата:  
26-28 ივლისს ნიგერში გადატრიალება მოხდა, რის შემდეგაც სამხედროებმა მთავრობის წევრები დააკავეს. გადატრიალება რუსეთ-აფრიკის სამიტის კვალდაკვალ წარიმართა. სამხედროებმა და მათმა მხარდამჭერებმა საფრანგეთი საელჩოზე თავდასხმა განახორციელეს. ნიგერი საფრანგეთის ყოფილი კოლონიაა. პოტენციურ სამიზნედ დასავლეთის ქვეყნების წარმომადგენლებიც შეიძლება იყვნენ, რის გამოც მათი ევაკუაცია ხორციელდება.
მაგრამ სრული სურათის ეს სურათის მხოლოდ მინიმალური ნაწილია.
ნიგერის მომიჯნავედ მალიში 2021 წელს სამხედრო გადატრიალება მოხდა, რის შემდეგაც პრო-რუსული სამხედროები მოვიდნენ ხელისუფლებაში. მათ საფრანგეთის სამხედრო ძალების გაძევება მოითხოვეს, რომლებიც მანამდე ისლამურ სახელმწიფოს წინააღმდეგ ბრძოლაში ეხმარებოდა მალის მთავრობას. 2022 წელს კი ბურკინა ფასოში მოხდა გადატრიალება, სადაც ასევე პრო-რუსული სამხედროები მოვიდნენ ხელისუფლებაში. ორივე ქვეყანაში ვაგნერის დაჯგუფება იქნა განთავსებული რუსული ინტერესების გასატარებლად. მანამდე მათ ცენტრალური აფრიკის რესპუბლიკაში დაიკავეს პოზიციები. ნიგერი კი, სადაც ფრანგებს სამეთაურო პუნქტი მალიდან ჰქონდათ გადატანილი იქაც მივიღეთ მთავრობა, რომელსაც ზოგის ვარაუდით ზურგს შესაძლოა რუსეთი უმაგრებდეს ან მომავალში გახდეს რეჟიმის მხარდამჭერი. თუმცა აშშ-ს მხრიდან არ ყოფილა ამაზე მინიშნება და პირიქით, ჯერ არ არის მტკიცებულება რომ რუსეთის მიერ მოხდა გადატრიალებაო. არც ისინი ჩქარობენ მოვლენათა სრულყოფილ შეფასებას.
ეს კიდევ არაა ყველაფერი. ბურკინა ფასოსა და მალის წარმომადგენლები რუსეთ-აფრიკის სამიტზე იყვნენ წარმომადგენლები და კრემლი ღიად აქეს და ადიდეს, ხოლო დასავლეთი დაგმეს. ორივე მათგანს "ვაგნერელები" და რუსი ინსტრუქტორები უმაგრებენ ზურგს.
ახლა კი იმუქრებიან, რომ თუკი ვინმე ნიგერში გადატრიალების წინააღმდეგ წავა, ბუკინა ფასო და მალი თავიანთ თავზე დარტყმად მიიღებენ ამას და აუცილებლად ჩაერევიან ნიგერის სამხედრო რეჟიმის დასაცავად.
სადაა აქ ნიგერის მეზობელი ნიგერია? ნიგერია ადგილზე რეგიონის ყველაზე ძლიერი ძალაა. ის სამხედრო გადატრიალებას არ უჭერს მხარს, მაგრამ ფრთხილადაა. დასავლეთ აფრიკის ეკონომიკურმა თანამეგობრობამ (ECOWAS) ულტიმატუმი წაუყენა ნიგერის სამხედრო ძალებს და ჩამოგდებული მთავრობის დასმა მოსთხოვა. ECOWAS ნიგერიაში ბაზირებული, ნიგერიის მიერვე მხარდაჭერილი გაერთიანებაა. შესაბამისად, მისი განცხადება უბრალო არ არის. ამასთან, ნიგერიაში შიშობენ, რომ თუკი ნიგერში პრო-რუსული ძალები გაიმყარებენ პოზიციას და ვაგნერი ან მისი მსგავსი ორგანიზაცია ბაზირდება იქ, ამით ნიგერიასაც შეექმნება საფრთხე. ამ ფონზე შესაძლოა გაბედოს ნიგერიამ ჩარევა, მაგრამ არ ჩარევის შემთხვევაში თავად მასაც შეიძლება შეექმნას სამომავლო საფრთხე. ამიტომაა, რომ პროცესებს ყველა ყურადღებით აკვირდება.
აღსანიშნავია ისიც, რომ აფრიკის ქვეყნების დიდ ნაწილში ჩინეთი და რუსეთი არიან ძირითადად წარმოდგენილნი. ისეთი გავლენიანი ძალები კი როგორიც საფრანგეთი, დიდი ბრიტანეთი და აშშ-ა ამ გადატრიალებებისა და პეკინისა და რუსეთის ეკონომიკური ექსპანსიების ფონზე თანდათან გაირიყნენ რეგიონიდან. ამ ფონზე, აფრიკის რუსეთ-სამიტისას კრემლმა 23 მილიარდი დოლარის ვალი ჩამოუწერა მოკავშირე აფრიკულ სახელმწიფოებს.
რეალურად ნიგერი დიდი პოლიტიკური თამაშის ერთი ნაწილია, რომლის უკანაც რუსეთის გლობალური ინტერესები დგას.
მიყევიტ ბმულს - გიორგი კობერიძე
мир
ნატოს წევრ ფინეთის საზღვართან განლაგებული შეიარაღება კრემლმა უკრაინაში გადაიტანა

ფინეთისა და ნორვეგიის საზღვრის გასწვრივ განლაგებული სამხედრო გარნიზონები და სამხედრო ნაწილები თითქმის სრულად დაცარიელდა - ნატოს წევრი სახელმწიფოების საზღვრიდან შეიარაღება კრემლმა უკრაინაში გადაისროლა. 

ინფორმაციას ამის შესახებ სატელიტურ ფოტოებზე დაყრდნობით ფინეთის საზოგადოებრივი მაუწყებელი ავრცელებს

"საშუალოდ, ფინეთის საზღვართან განთავსებული ჯარისკაცებისა და შეიარაღების 80% ამ დროისთვის უკრაინაშია გადასროლილი" - ამბობს გამოცემასთან საუბარში ფინური დაზვერვის მაღალჩინოსანი. 

სახმელეთო ნაწილების მოშიშვლების მიუხედავად, ფინური დაზვერვის ცნობით, ჯერჯერობით კვლავ მაღალ დონეზეა დაკომპლექტებული რუსეთის საჰაერო თავდაცვის, საჰაერო-კოსმოსური ძალებისა და ფლოტის ნაწილები საზღვრისპირა ტერიტორიაზე. 

ჯამურად, სახმელეთო ნაწილების კომპლექტაციის დონე რუსეთის ჩრდილოეთ ოლქებში, ფინური დაზვერვის ცნობით, 20%-ს არ აღემატება. ამ სამხედრო ნაწილებში ძირითადად წვევამდელები და მათი უშუალო მეთაურები რჩებიან, სხვები კი, უკვე თავდაცვის სამინისტროსთან გაფორმებული საკონტრაქტო სამსახურის ფარგლებში, უკრაინის ტერიტორიაზე იმყოფებიან. 

ნორვეგიის დაზვერვის სამსახურის 2024 წლის ანგარიშის ცნობით, 80%-ით არის შემცირებული რუსეთის სამხედრო ნაწილების პირადი შემადგენლობა კოლსკის ნახევარკუნძულზე, ხოლო, ძალების აღსადგენად რუსეთს, უკრაინაში ომის დასრულების შემდეგ, 3-5 წელი დასჭირდება. 

კონტექსტი 

2022 წლის სექტემბერში, გამოცემა Foreign Policy-ი საკუთარ წყაროებზე დაყრდნობით წერდა, რომ ფინეთისა და ნორვეგიის საზღვარზე რუსეთის სახმელეთო ჯარების კომპლექტაციის დონე არ აღემატებოდა 20%-ს, თუმცა, იმ დროს ფინეთი ჯერ კიდევ არ იყო ჩრდილო-ატლანტიკური ალიანსის წევრი. 

ფინეთის საზოგადოებრივი მაუწყებლის მიერ მოპოვებული სატელიტური ფოტოები რამდენიმე მნიშვნელოვან ცვლილებაზე მეტყველებს: 

  • პეტროზავოდსკში სამხედრო ტექნიკის ბაზაზე აშენდა ჯავშანტექნიკის სარემონტო საამქრო, რომელსაც ერთდროულად 50-მდე ჯავშანტრანსპორტიორის რემონტი შეუძლია;
  • დასახლება შუიში, რომელშიც უკრაინაში სრულმასშტაბიანი შეჭრის დაწყებამდე 200 ერთეული ჯავშანტექნიკა იყო განთავსებული, საარტილერიო დანადგარებთან და სატვირთო ავტომობილებთან ერთად ამ დროისთვის სრულად დაცარიელებულია; 
  • ფინეთის საზღვრის მახლობლად მდებარე კამენკაში, მიმდინარე წლის აპრილიდან, მოზრდილი კარვების ქალაქი გამოჩნდა, რომელიც 2000-მდე ჯარისკაცისთვისაა გათვლილი - ფინელი ანალიტიკოსების აზრით, ეს რუსეთის მობილიზებული მოქალაქეების ერთ-ერთი საწვრთნელი ბაზაა; 
  • გასული წლის აგვისტოში, პსკოვის სამხედრო აეროდრომზე უკრაინის მასირებული დრონების იერიშის შემდეგ, რუსეთი იძულებული გახდა ობიექტიდან 21 სატრანსპორტო თვითმფრინავი გადაეყვანა; 

მიმდინარე წლის მარტში, ვლადიმირ პუტინმა, ლენინგრადის სამხედრო ოლქის ხელახალი შექმნის შესახებ გამოაცხადა. პუტინის თქმით, უნდა შეიქმნას ახალი სამხედრო ბრიგადები და კორპუსები, რომლებიც პრობლემას შეუქმნიან ფინეთსა და შვედეთს. ამ სამხედრო ოლქის მეთაურად კი, გენერალი ალექსანდრ ლაპინი დაინიშნა. სწორედ, ლაპინი მეთაურობდა რუსულ დანაყოფებს 2022 წლის შემოდგომაზე უკრაინის შეიარაღებული ძალების ელვისებური კონტრიერიშის დროს ხარკივის ოლქში. 

დასავლელი სამხედრო ანალიტიკოსების ცნობით, ამ დროისთვის ლენინგრადის სამხედრო ოლქში შემავალი დანაყოფები ძირითადად ხარკივის ოლქში მიმდინარე იერიშში მონაწილეობენ, რომელიც რუსეთის საოკუპაციო არმიამ 10 მაისს დაიწყო. 

წყარო:https://realpolitika.ge/

более
голосование
ვინ გაიმარჯვებს რუსეთ - უკრაინის ომში?
голосование
Кстати