USD 2.7421
EUR 2.8841
RUB 2.6007
თბილისი
გიორგი კობერიძე - 2023 წლის 5 ივლისის შეჯამება უკრაინაში
თარიღი:  
- უკრაინული არმია კლიშჩიივკას შტურმზეა გადასული, ბახმუტის სამხრეთით. თავად რუსები წერდნენ, რომ დასახლების შენარჩუნება ძალიან უჭირთ და ევაკუაცია სრულიად მოსალოდნელია. მხოლოდ დღეს ათობით სამხედრო დაეღუპათ რუსებს და კიდევ ათობით ტყვედ არიან ჩავარდნილები. თუკი ბოლომდე გადაწყვეტენ ისინი დარჩენას ძალიან დიდი მსხვერპლი შეიძლება ჰქონდეთ მათ. უკრაინელების ხელშია ინიციატივა და პრაქტიკულად საყრდენი პუნქტიდან საყრდენ პუნქტამდე მიმდინარეობს შეტევა. რუსებს ბახმუტის ირგვლივ დიდი რაოდენობით ცოცხალი ძალა ჰყავთ მობილიზებული და ამით ცდილობენ პოზიციების შენარჩუნებას, ზოგან კი ინიციატივის დაბრუნებასაც კი, მაგრამ კლიშჩიივკას მიმართულება მოცემულ რეალობაში უკრაინული აქტიურობის წყაროა.
- დონეცკის ოლქში, ქალაქი დონეცკის მომიჯნავედ, იასინუვატაში რკინიგზის სადგური და ხაზი დაიბომბა უკრაინელთა მიერ. იმ ფონზე, რომ რუსული მომარაგება მთლიანად რკინიგზაზეა აგებული დარტყმა ამ მიმართულებით ყოველთვის დიდი გამოწვევაა რუსებისათვის.
- კვლავ ცეცხლის ალშია გახვეული მაკიივკა დონეცკის მომიჯნავედ. გუშინდელი დარტყმისა და იარაღის საწყობის აფეთქების შემდეგ ცეცხლის ახალი კერებია გაჩენილი. სავარაუდოდ კიდევ ერთი, ახალი დარტყმა განახორციელეს უკრაინელებმა.
- დაიბომბა ვოლნოვახას ადმინისტრაციული შენობა, ოკუპირებულ დონეცკის ოლქში, მარიუპოლის გზაზე. ვოლნოვახა აგრეთვე ერთ-ერთი საკვანძო ქალაქია მომარაგების თვალსაზრისით. მასზე სარკინიგზო კვანძი გადის. დაუდასტურებელი ვერსიით დარტყმები HIMARS-ის მეშვეობით განხორციელდა.
- აფეთქებების ხმა ისმოდა ბერდიანსკშიც, ოკუპირებულ ზაპორიჟიას ოლქშიც. დაიბომბა ტოკმაკის შემოგარენიც. ორივე შემთხვევაში რა იყო სამიზნე და რის მეშვეობით განხორციელდა დარტყმები უცნობია.
- ზაპორიჟიას ატომური ელექტროსადგურის ირგვლივ ცვლილებები არ არის, თუმცა დასავლური პრესის ყურადღება დღეს ძალიან გააქტიურებულია რუსეთის მხრიდან შესაძლო აფეთქებასთან დაკავშირებით.
- დღეს გავრცელდა ინტერვიუ უკრაინულ სახმელეთო ძალების სარდალთან ალექსანდრ სირსკისთან, რომელმაც აღნიშნა, რომ ბახმუტის დაბრუნება მხოლოდ დროის საკითხია და რომ უკრაინის მხრიდან ამ მიმართულებით შეტევით ბრძოლაშიც კი რუსეთს ათჯერ დიდი აქვს დანაკარგი.
მიყევით ბმულს - გიორგი კობერიძე
მსოფლიო
ისრაელის უსაფრთხოების კაბინეტმა მხარი დაუჭირა „ჰეზბოლასთან“ ცეცხლის შეწყვეტის შესახებ შეთანხმებას
ებრაული მედიის, TIMES OF ISRAEL-ის თქმით, ისრაელსა და „ჰეზბოლას” შორის ცეცხლის შეწყვეტის შეთანხმება უახლოეს საათებში ოფიციალურად შევა ძალაში.
ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ „ჰეზბოლა“ აღარ არის იგივე საბრძოლო ძალა, როგორც ადრე იყო.
შეთანხმების პირობები ამგვარია:
ისრაელმა ლიბანიდან ჯარები 60 დღის განმავლობაში სრულად უნდა გაიყვანოს.
ჰეზბოლამ ლიბანის სამხრეთიდან მდინარე ლიტანამდე ( 20-23კმ-ის მიღმა) უნდა გაიყვანოს ჯარები და სრულად გაანადგუროს ე.წ სამხედრო ინფრასტრუქტურა.
10 000 ლიბანელი ჯარისკაცი განლაგდება ისრაელ-ლიბანის საზღვრებთან- იქ, სადაც აქამდე ჰეზბოლას სამხედრო ინფრასტრუქტურა და საჯარისო ფორმირებები იყვნენ განთავსებულნი.
აშშ და სხვა მოკავშირე სახელმწიფოები გააძლიერებენ ლიბანის არმიის სამხედრო შესაძლებლობებს, რათა ისინი ძალებით მნიშვნელოვნად აღემატებოდნენ“ჰეზბოლას” სამხედრო შესაძლებლობებს.
შეთანხმების დარღვევის შეთმხვევაში ისრაელს ექნება უფლება, ხელახლა წამოიწყოს სამხედრო ოპერაცია სამხრეთ ლიბანის ტერიტორიაზე- შეერთებულ შტატებთან კონსულტაციებისა და მხარდაჭერის ფონზე.
სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.