USD 2.7428
EUR 2.8772
RUB 2.6387
Tbilisi
გიორგი კობერიძე - 10:00-13:30 შეჯამება რუსეთის კლანთაშორის [სამოქალაქო] დაპირისპირებიდან
Date:  317
- "ვაგნერი" ვორონეჟის სტრატეგიულ ობიექტებს იკავებს. დანაყოფები გამოჩნდნენ სოფელ ბუტურლინოვკასთან, სამხედრო აეროდრომის სიახლოვეს. როგორც ჩანს "ვაგნერი" როსტოვისა და ვორონეჟის ოლქების აეროპორტების სწრაფ დაკავებაზეა ორიენტირებული;
- ზოგიერთი მცირე დანაყოფი "ვაგნერს" ერთგულებას უცხადებს. არის თავდაცვის ძალების მხრიდან იარაღის დაყრის შემთხვევაც.
- ქალაქ ვორონეჟში რამდენიმე სტრატეგიული ობიექტი იწვის. მათ შორისაა ბენზინგასამართი სადგურები და ნავთობტერმინალის სიახლოვეს ხანძარია.
- "ვაგნერის" კოლონებს ჰაერსაწინააღმდეგო სისტემა პანცირი იცავს. მათ დღის განმავლობაში უკვე ოთხი შვეულმფრენი და სავარაუდოდ ერთი სამხედრო სატვირთო თვითმფრინავი Ан-26 ჩამოაგდეს. თუკი დადასტურდა ამ უკანასკნელის ჩამოგდება ეს შეიძლება ნიშნავდეს როსგვარდიის ან თავდაცვის ძალების სწრაფი მობილიზების რაზმის განადგურებას.
- კადიროვმა პუტინს ერთგულება გამოუცხადა. რამდენად და რა ფორმით ჩაერევა "ვაგნერთან" ბრძოლაში ჯერ უცნობია, მაგრამ არაა დასავიწყებელი, რომ "ვაგნერელ" რადიკალებს ჩრდილოკავკასიელებისადმი სიძულვილი ამოძრავებთ და რუს ნეო-ნაცისტებში სწორედ იმ იდეას ავრცელებენ, რომ პუტინმა არარუს ძალებს მისცა მთელი ძალაუფლებაო. ამ ქმედებით ცდილობს პრიგოჟინი თავის მხარეს გადმოიბიროს შოვინისტური და ნაცისტური სენტიმენტების მქონე ძალები.
- რუსული ავიაციის მხრიდან კოლონების დაბომბვა საკმაოდ არაეფექტურია, რადგან ვაგნერის კოლონებს, გარდა თავიანთი ჰაერსაწინააღმდეგო სისტემისა, გზიდან გადასვლის საშუალებაც აქვთ - რუსეთის მდელოები დანაღმული არ არის.
- როსგვარდია და რუსი მედესანტეები მოსკოვისაკენ მიმავალ გზაზე არიან განთავსებული. თავდაცვის ძალების კოლონა თითქოს როსტოვისაკენაც ცდილობდა გადაადგილებას, თუმცა რა და როგორ ვითარდება ამ მიმართულებით საკმაოდ ბუნდოვანია.
- "ვაგნერის" სამხედროებმა როსტოვის ყოფილი "მაკდონალდის" შენობა დაიკავეს და საჭმელს უკვეთავენ (ყოველგვარი ხუმრობის გარეშე). აშკარად ბრძანება აქვთ მიღებული სახე შეინარჩუნონ და ძარცვა არ დაიწყონ.
მიყევით ბმულს - გიორგი კობერიძე
world
«Bloomberg» (აშშ): „ევროპა მორიგი ენერგეტიკულ კრიზისის წინაშე დგება: ზამთრის მოახლოების კვალობაზე, გაზზე ფასები მატულობს“

„როგორც ჩანს, წლევანდელი ზამთარი, შარშანდელ თბილთან შედარებით, ამჯერად უფრო ცივი იქნება. უკვე ისე აცივდა, რომ ევროპის გაზსაცავები სწრაფად ცარიელდება“, - ნათქვამია ამერიკული საინფორმაციო-ანალიტიკური სააგენტოს „ბლუმბერგის“ (Bloomberg) მიერ გამოქვეყნებულ სტატიაში სათაურით „ევროპა მორიგი ენერგეტიკულ კრიზისის წინაშე დგება: ზამთრის მოახლოების კვალობაზე, გაზზე ფასები მატულობს“ (ავტორები - ანა შირიაევსკა და პრისცილა აზევედო).

გთავაზობთ პუბლიკაციას შემოკლებით:

შარშან ევროპაში უჩვეულოდ თბილი ზამთარი იყო და რუსული გაზის შეწყვეტის მიუხედავად, გაზსაცავებში ჩატვირთული საწვავი ევროპელებმა გაზაფხულამდე იმყოფინეს, პლის გამონახეს დამატებითი ალტერნატიული წყაროებიც... მაგრამ ახლა, როცა პროგნოზით თანდათანობით აცივდება, გაზის ფასები უკვე მატულობს და უკრაინის ტერიტორიაზე გამავალი მილსადენითაც ევროპა გაზს ვეღარ მიიღებს, ექსპერტების თქმით, ენერგეტიკული კრიზისის წინამძღვრები აშკარად ისევ იქმნება. არადა, ევროპა ჯერაც ვერ გამოსულა მთლიანად ორი წლის წინანდელი შოკისაგან, როცა ერთი კუბური მეტრი გაზის ფასი „ცას სწვდებოდა“.

რა თქმა უნდა, გაზის წლევანდელი ფასები 2022 წლის რეკორდულ ფასებზე მცირეა, მაგრამ მატება მაინც საგრძნობია, ანუ მოსახლეობის კეთილდრეობა მცირდება, ცხოვრების დონე ეცემა და მწარმოებელთა კონკურენტუნარიანობა უარესდება.

ზამთრის ყველაზე ცივ თვეებში გაზსაცავები მაშველი რგოლის როლს ასრულებენ, მაგრამ ნოემბრის სიცივეების გამო მოსახლეობაში გაზზე მოთხოვნა სწრაფად გაიზარდა. გარდა ამისა, ევროპაში ქარის ელექტროსადგურები ძირითადად უქმად დგანან, რადგან ქარის სიჩქარე დაბალია. შესაბამისად, მატულობს გაძვირებული გაზის გამოყენება ელექტროენერგიის წარმოებისთვის, რაც ბუნებრივია, ელექტროდენის ფასს ზრდის.

დღეისათვის რუსული გაზით - უკრაინის ტერიტორიაზე გამავალი მილსადენის მეშვეობით -  ევროკავშირის რამდენიმე წევრი ქვეყანა სარგებლობს, მათ შორის სლოვაკეთი და უნგრეთი. უკრაინასა და რუსეთს შორის დადებული სტრანზიტოს შეთანხმების ვადა დეკემბრის ბოლოს იწურება. კიევი აცხადებს, რომ კონტრაქტს აღარ გაახლებს. უნგრეთსა და სლოვაკეთს ენერგეტიკული უზრუნველყოფას საფრთხე ემუქრება.

ცივი ზამთრის გამო ცუდ დღეში ჩავარდება გერმანიაც. 2022 წელს ბერლინმა მიიღო გადაწყვეტილება, რომ გაზი თავისი გაზსაცავებისათვის მსოფლიო ბაზარზე რეკორდული ფასებით ეყიდა, თუმცა ამჟამად სხვა სიტუაციაა. გაზზე მაღალი ფასების გამო ბევრი ქარხანა წარმოებას ამცირებს ან სულაც ჩერდება. გამოდის, რომ მესამე წელია ევროპის უდიდესი ეკონომიკა, ენერგონედლეულის უკმარისობის გამო, ზეწოლას განიცდის.  გერმანიაში კი თუ სიტუაცია გაუარესდება, ეს ნიშნავს, რომ კრიზისის ვირუსი სხვა ქვეყნებსაც გადაედება.  თებერვალში დაგეგმილი ბუნდესტაგის არჩევნები შეიძლება მწვავე ეკონომიკური პრობლემების ფონზე ჩატარდეს.

ცივ ზამთარში ენერგიის დეფიციტი ძნელი გადასატანია, ასეთ სიტუაციებში მოსახლეობისადმი მოწოდებები ხარჯვის შემცირება-დაზოგვაზე საქმეს არ შველის: არსებობს დიდი რისკი იმისა, რომ ევროპელებს ამ ზამთარს ბედი აღარ გაუღიმებთ და ამიტომ იძულებულნი იქნებიან მეტი ძვირადღირებული თხევადი გაზის იმპორტი მოახდინონ, პარალელურად კი აზიის ქვეყნებთან, განსაკუთრებით კი ჩინეთთან მიმართებით კონკურენტუნარიანობაც შეინარჩუნონ, რაც ერთობ რთულ ამოცანას წარმოადგენს.

წყარო: https://www.bloomberg.com/news/articles/2024-11-23/europe-is-already-facing-its-next-energy-crisis?srnd=phx-politics

See all
Survey
ვინ გაიმარჯვებს რუსეთ - უკრაინის ომში?
Vote
By the way