,
„ქართული ოცნების“ თავმჯდომარე ირაკლი კობახიძემ ტვ პირველის თოქშოუში „რეაქცია“ გიორგი გახარიას გადადგომამდე მასთან ბოლო სატელეფონო საუბრის დეტალებზე ისაუბრა.
„გახარიასთან ბოლოს მქონდა კომუნიკაცია გადადგომამდე, ალბათ 15 წუთით ადრე შევწყვიტეთ სატელეფონო საუბარი, ის იყო კანცელარიაში, მე პარტიის ოფისში. დაახლოებით ერთსაათიანი საუბარი იყო ისევ და ისევ იმ ცნობილ თემაზე - რას აძლევდა 2-3 დღე, რაზეც ვერც მაშინ მოვისმინე პასუხი, ვერც წინა დღეს, ვერც მე და ვერც გუნდის სხვა წევრებმა ვერავითარი პასუხი ვერ მოვისმინეთ, ვერც თქვენ მოისმინეთ პასუხი ერთი კვირის წინ. რატომ? იმიტომ რომ მას ამ კითხვაზე პასუხი არა აქვს, ანუ, ლოგიკური პასუხი ამაზე არ არსებობს, იმიტომ, რომ როცა მარტივად იცი რომ 2-3 დღეში ესკალაციის ხარისხი იქნება უფრო მაღალი და არა უფრო დაბალი და როცა ამტკიცებ საპირისპიროს, აქ ყველაფერი ნათელია. ერთი რამე განვმარტოთ, იქ პირდაპირი კომუნიკაცია იყო. ამ დეტალებში ჩვენ არც შევდივართ და ვერც შევდივართ, იმიტომ რომ ეს ჭორაობა გამოვიდოდა. ჩვენ ვიცით, რომ იქ 2-3 დღეზე იყო საუბარი, კონკრეტული სცენარი არსებობდა. დეტალებს აღარ მოვყვები და აქეთ, ყოველგვარი არგუმენტების გარეშე ითხოვენ 2-3 დღეს. ეს არის ძალიან მარტივი ლოგიკური თანხვედრა, რამაც ეჭვები გაამძაფრა და ეს ეჭვები კიდევ უფრო მეტად გაამძაფრა გიორგი გახარიას პოლიტიკაში შემობრუნებამ“, - განაცხადა ირაკლი კობახიძემ.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
