,
საქართველოს პრემიერ-მინისტრი გიორგი გახარია დღეს აღმოსავლეთ პარტნიორობის ლიდერთა დიალოგში მიიღებს მონაწილეობას, რომელიც ევროპული საბჭოს პრეზიდენტ შარლ მიშელისა და ევროკომისიის პრეზიდენტ ურსულა ფონ დერ ლაიენის ხელმძღვანელობით, ჩატარდება ვიდეოკონფერენციის სახით.
ღონისძიებაზე უმაღლეს დონეზე შეჯამდება აღმოსავლეთ პარტნიორობის ფარგლებში მიღწეული შედეგები და განხილული იქნება ევროკავშირსა და აღმოსავლეთ ევროპულ პარტნიორ ქვეყნებს შორის თანამშრომლობის არსებული დინამიკა, პრიორიტეტები და მისი გაღრმავების პერსპექტივები.
ლიდერები ასევე შეეხებიან Covid-19-ის პანდემიას და მასთან ბრძოლის მეთოდებსა და ზომებს. პრემიერ-მინისტრი გიორგი გახარია ისაუბრებს საქართველოს პროგრესზე, აღმოსავლეთ პარტნიორობის თანრომლობის ფარგლებში უკვე განხორციელებულ და სამომავლოდ დაგეგმილ რეფორმებზე.
„შეხვედრაში მონაწილეობენ მიიღებენ ევროკავშირისა და აღმოსავლეთ პარტნიორობის წევრი ქვეყნების ლიდერები და მთავრობის მეთაურები. აღმოსავლეთ პარტნიორობის ლიდერთა დიალოგი ევროკავშირის ინიციატივით დაიგეგმა, აღმოსავლეთ პარტნიორობის სამიტის ჩატარება 18 ივნისს ბრიუსელში იგეგმებოდა, თუმცა, გლობალური პანდემიის გამო სამიტი 2021 წლის დასაწყისში გაიმართება,“ - აღნიშნულია ინფორმაციაში.
