გიორგი გახარია - „ოცნების“ და „ნაცმოძრაობის“ მარტო დატოვება ნიშნავს, რომ რაღაცას იმაიმუნებენ, ვიცი, ეგენი როგორ ეკურკურებიან ერთმანეთს

თარიღი: 519

პარტია „საქართველოსთვის“ თავმჯდომარემ და თბილისის მერობის კანდიდატმა - გიორგი გახარიამ თბილისში მოსახლეობასთან შეხვედრა ისნის რაიონიდან დაიწყო.

გიორგი გახარია მოსახლეობას პარტია „საქართველოსთვის“ თბილისში ისნის მაჟორიტარობის კანდიდატთან დავით გოგიძესთან და პარტია „საქართველოსთვის“ თბილისის საკრებულოს სიის წევრთან - ტატა ხვედელიანთან ერთად შეხვდა.

„ეს ქალაქი ჩემთვის ყველაფერია - მე აქ დავიბადე, აქ გავიზარდე, განათლება აქ მივიღე და ყველაფერი ამ ქალაქთან არის დაკავშირებული.“ - მიმართა გიორგი გახარიამ ისნის მოსახლეობას.

„ჩვენ რასაც ვამბობთ - იმას ვაკეთებთ. ტყუილებს არ ვპირდებით ადამიანებს და ამით არც ჩვენს თავს ვაყენებთ შეურაცხყოფას და არც სხვას. რაც არ არის გაკეთებადი, იმაზე ვიტყვით რომ არ არის გაკეთებადი. თქვენ მე მიცნობთ - მე შეცდომებიც ბევრი დამიშვია, საქმეც ბევრი გამიკეთებია - მაგრამ ყოველთვის რაც მითქვამს ის გამიკეთებია და ვიცოდი რას ვემსახურებოდი, პარტიას და ვიღაც ადამიანებს კი არ ვემსახურებოდი - ქვეყანას და სახელმწიფოს ვემსახურებოდი და ესე გავაგრძელებ თბილისშიც და საქართველოშიც! ეს არის მთავარი, თორემ ზოგიერთებს ჰგონიათ, რომ პარტიის და კიდე ვიღაცის მსახურება არის ცხოვრების თვითმიზანი - არა, ცხოვრების მიზანი ქვეყანა და სახელმწიფოა.ჩემთვის ასე იყო, მე ასე მასწავლიდნენ და ასე ვიზრდებოდი.“- განაცხადა გიორგი გახარიამ.

პარტია „საქართველოსთვის“ დამფუძნებელმა მოსახლეობასთან თბილისის მერის არჩევნებში საკუთარი კანდიდატურის დაყენების მიზეზებზეც ისაუბრა.

„ახლა ბევრს ჰგონია კაცი ამხელა პრემიერი ვიყავი რა მერობა...მაგრამ ახლა ის დროა როცა, აი წარმოიდგინეთ, ჩვენი პარტიის ბევრი წარმომადგენელი ზოგი მერად იყრის კენჭს, ზოგი დეპუტატად და ამ ხალხს დასდევენ, აშინებენ, ემუქრებიან, მათი ოჯახის წევრებს სამსახურიდან უშვებენ და მე ვერ დავიმალებოდი, ვარ იქ, სადაც ყველაზე ეპიცენტრია და სადაც ყველაზე მაღალი ლეგიტიმაციის არჩევნებია. და რა თქმა უნდა, ეს არ არის მხოლოდ მუნიციპალური არჩევნები. ამ არჩევნებს სერიოზული პოლიტიკური შედეგები უნდა მოჰყვეს“ - განაცხადა გიორგი გახარიამ.

„თუ ქვეყანა ქვეყანას არ დაემსგავსება და კანონი კანონი არ იქნება ყველასთვის - არაფერი არ იქნება - იქნება ფუჭი დაპირებები. მთავარი არის, რომ წესრიგი იყოს, სამართლიანობის განცდა იყოს, ადამიანებს ესმოდეთ, რომ ღირსების შესაბამისად კვალიფიცირებული ადამიანები ხდებიან და წინაურდებიან ცხოვრებაში. სხვანაირად სამართლიანობის შეგრძნება არ იქნება. ჩვენი ძირითადი პრინციპი იქნება ძლიერი სახელმწიფო და რა თქმა უნდა ყველა ადამიანს უნდა მივცეთ შესაძლებლობა, რომ ღირსეულად იცხოვროს და ღირსეულად არჩინოს ოჯახი. არაფერი კეთილსინდისიერებაზე და პროფესიონალიზმზე უფრო მნიშვნელოვანი ამ ქვეყანაში არ არის. ახლა წლებია ერთი და იმავე წრეზე დავდივართ და ახლა ეს უნდა დავამთავროთ. დავიღალეთ უკვე ერთი და იგივე სახეების ყურებით - ახალგაზრდებს უნდა მივცეთ შესაძლებლობა გაიხსნან გზა პოლიტიკაში.“ - განაცხადა გახარიამ.

პარტია „საქართველოსთვის“ თავმჯდომარემ და თბილისის მერობის კანდიდატმა ხაზი გაუსვა, რომ ოცნების ძალაუფლება პროპორციული უნდა იყოს ხალხის იმ მხარდაჭერის, რომელიც მას აქვს.

„ამ ქვეყანაში ყოველთვის ისე იყო, რომ გამარჯვებული პარტია და ძალა თავს ვალდებულად თვლიდა დამარცხებული გაენადგურებინა ბოლომდე, და ზედ ისიც უნდა მიეყოლებინა, რაც მან გააკეთა. ეს დასამთავრებელია! არავინ არ ამბობს, რომ ოცნება უნდა გაქრეს და განადგურდეს, არავინ არ ამბობს ამას - მაგრამ მისი ძალაუფლება უნდა შეესაბამებოდეს ხალხის მხარდაჭერას. ჩვენ მეტი არაფერი არ გვინდა. და ცოტა გონზე უნდა მოეგონ, იმიტომ რომ ეს ამდენი ტყუილები, თვალთმაქცობა... საერთოდ ეჭვი შევიტანე ამ ადამიანების, ზოგიერთი მათგანის გონიერებაში.“- განაცხადა გიორგი გახარიამ

„ერთ მშვენიერ დღეს გამოვიდნენ და თქვეს, რომ ვინც ჩვენთან არ არისო და განსხვავებული აზრი აქვსო - ჩვენი მტერიაო. მერე გამოვიდნენ და თქვეს, რომ ვინც ჩვენი მტერია ის ქვეყნის მტერიც არისო. ჩვეულებრივი ტოტალიტარული აზროვნების ელემენტარული ლოგიკა დაალაგეს. შეუძლებელია ასე! არ შეიძლება ადამიანი თვლიდეს, რომ მან აი ამ ქვეყნის მოქალაქეზე უკეთესად იცის, ამდენ - სამ მილიონ ადამიანზე უკეთესად იცის რა არის ჩვენთვის კარგი და რა არის ცუდი. მე ეს არასოდეს არ მიკადრია, არასოდეს! მე როგორ ჩავთვლიდი, რომ ჩემი ცოდნა ან აზრი შეიძლება უფრო მნიშვნელოვანი ყოფილიყო, ვიდრე ამდენი ადამიანის.“ - განაცხადა გახარიამ.

მოსახლეობასთან შეხვედრაზე გიორგი გახარიამ „ქართული ოცნების“ ხელმძღვანელობას „რეალობისგან მოწყვეტილი“ უწოდა და ხაზი გაუსვა, რომ ქართული ოცნებისა და ნაციონალური მოძრაობის მარტო დატოვება ნიშნავს, რომ ისინი საერთო ინტერესების გარშემო გაერთიანდებიან.

„მშვიდად, ისტერიკის გარეშე, არავინ არ უნდა ვლანძღოთ, წყნარად უნდა მივიდეთ იქამდე, რომ მათ ობიექტურად შეიგრძნონ მათი ძალაუფლება რამხელაა. კი არ უნდა გაქრნენ და კი არ უნდა განადგურდნენ - რა თქმა უნდა იყვნენ. ბევრი კარგი საქმე გვაქვს ერთად გაკეთებული, ბევრი. ისიც ხომ ძალიან კარგად გვახსოვს 2012 წლამდე რაც იყო - იმის დაბრუნებაც არ გვინდა. მაგრამ ახლა მართლა გეუბნებით, რომ ახლა რომ ვუყურებ უკვე ზღვარი იშლება... რა მნიშვნელობა აქვს იმავე მეთოდებს თავად გამოიყენებენ, თუ თავისი ბოდიში უსუსურობით მოიყვანენ და პირდაპირ მიშას დაგვასვამენ თავზე. სხვაობა რა არის?! ჩვენთვის არაფერია სხვაობა... ამიტომ ვთქვი, რომ ამათი მარტო დატოვება აღარ შეიძლება, შეუძლებელია უბრალოდ - ესენი სულ მალე, აი ასე გაერთიანდებიან ძალიან კარგად. იქ რაღაცას „იმაიმუნებენ“, რაღაც ზღაპრებს, სპექტაკლებს დაგვიდგამენ, მაგრამ სინამდვილეში... მე ხომ ვიცი ეგენი როგორ ეკურკურებიან ერთმანეთს.“

პარტია „საქართველოსთვის“ თავმჯდომარემ ამომრჩევლებთან მიმართვისას ხაზი გაუსვა, რომ არჩევნების დროს პარტია „საქართველოსთვის“ საკუთარი ხმების დაცვა ერთმანეთთან შეთანხმებული „ქართული ოცნებისა“ და „ნაციონალური მოძრაობისაგან“ მოუწევს.

„ერთი რამე უნდა იცოდეთ - ჩვენი მთავარი პრობლემა არჩევნების დროს იქნება როგორ დავიცვათ ჩვენი ხმები ოცნებისგან და ნაციონალური მოძრაობისგან. ოღონდ ჩვენ მაქსიმალურად დაგვაზიანონ, ისინი შეთანხმდებიან და ეს შეთანხმება უკვე დაწყებულია. ამის შესაძლებლობა არ უნდა მივცეთ და ამიტომ ვართ იქ, სადაც ვართ“ - განაცხადა გიორგი გახარიამ.

კულტურა

პარიზის წიგნის ფესტივალზე საქართველოს მწერალთა სახლი ეროვნული სტენდით პირველად არის წარმოდგენილი

კულტურის სამინისტროს მხარდაჭერით 12-14 აპრილს საქართველოს მწერალთა სახლი 2024 წლის პარიზის წიგნის ფესტივალზე ეროვნული სტენდით პირველად მონაწილეობს.

Grand Palais Éphémère–ში ფესტივალისა და საქართველოს ეროვნული სტენდის გახსნას მწერალთა სახლის დირექტორი ქეთევან დუმბაძე, საქართველოს საგანგებო და სრულუფლებიანი ელჩი საფრანგეთის რესპუბლიკაში გოჩა ჯავახიშვილი და ლიტერატურული სფეროს წარმომადგენლები ესწრებოდნენ.

საქართველოს ეროვნული სტენდის პრეზენტაცია გაიმართა ღონისძიებით - „ჰაგიოგრაფიიდან პოსტმოდერნიზმამდე“. მწერალთა სახლის სტენდის სტუმრებს, ქართული მწერლობის გაცნობასთან ერთად, საინტერესო კალიგრაფიულ აქტივობაში ჩართვის შესაძლებლობა ჰქონდათ. კალიგრაფმა გიორგი სისაურმა მათ ქართული ანბანით დაუწერა სასურველი სიტყვები, გამონათქვამები, ფრაზები, სახელები და ა. შ. ასევე გაიმართა ღონისძიება, სახელწოდებით, „თექვსმეტსაუკუნოვანი უწყვეტი ლიტერატურული პროცესი“, რომელიც განიხილავს ქართულ ლიტერატურას, ქართულ-ფრანგულ ლიტერატურულ ურთიერთობებსა და ქართული და ევროპული ლიტერატურის კავშირს.

პირველ საფესტივალო დღეს გამართულ პანელ-დისკუსიაში მონაწილეობა მიიღეს საქართველოს საგანგებო და სრულუფლებიანმა ელჩმა საფრანგეთის რესპუბლიკაში გოჩა ჯავახიშვილმა და ფრანგული ფილოლოგიის დოქტორმა, პროფესორმა, ივანე ჯავახიშვილის სახელობის თბილისის სახელმწიფო უნივერსიტეტის რომანული ფილოლოგიის ფაკულტეტის ხელმძღვანელმა ბელა ხაბეიშვილმა. შეხვედრას ასევე ესწრებოდნენ უცხოელი გამომცემლები, ლიტერატურული აგენტები, მედიის წარმომადგენლები და ქართული სათვისტომოს საპატიო წევრები.

ფესტივალის მსვლელობისას ქართულ სტენდზე დაგეგმილია არაერთი აქტივობა და საქმიანი შეხვედრა - PUBLISHERS MATCHMAKING. შეხვედრის მონაწილეები იქნებიან საქართველოს მწერალთა სახლი, ქართული გამომცემლობები: „სეზან ფაბლიშინგი“, „მედუზა,“ „ბაკმი“ და მთარგმნელები - მაია ვარსიმაშვილი და მაია გიორხელიძე. შეხვედრაზე განიხილავენ ქართული ლიტერატურის კატალოგს. მთარგმნელი დალი იაშვილი წარადგენს მიხეილ ჯავახიშვილის მოთხრობას - „ლამბალო და ყაშა“ და მოთხრობების კრებულს. მთავარ სცენაზე გაიმართება წიგნის - „მზე, მთვარე და პურის ყანა“ წარდგენა. წიგნს წარადგენენ ავტორი - მწერალი და კინორეჟისორი თემურ ბაბლუანი და ეროვნული კინოცენტრის წარმომადგენელი ევროპაში სოფიო ბაბლუანი. ქართველ გამომცემლებთან ერთად საქართველოს სტენდთან იქნებიან ფრანგული გამომცემლობები: LE CHERCHE MIDI, GINGKO, EDITIONS DES CARNETS DU DESSERT DE LUNE, MEDUZA, და იტალიური გამომცემლობა MODERN TIMES, რომლებიც წარმოადგენენ ფრანგულად თარგმნილ კლასიკურ და თანამედროვე ქართულ პროზასა და პოეზიას.

საქართველოს ეროვნულ სტენდზე წარმოდგენილი იქნება ბუკლეტი ქართველი ავტორების 50-ამდე ნამუშევრის სინოპსისითა და ამონაბეჭდებით ისეთი ცნობილი ნაწარმოებებიდან, როგორიც არის „შუშანიკის წამება“, „ვეფხისტყაოსანი“ და სხვა.

აღსანიშნავია, რომ პარიზის წიგნის ბაზრობა ევროპის ერთ-ერთი ყველაზე მნიშვნელოვანი კულტურული მოვლენაა, რომელიც ყოველწლიურად გაზაფხულზე იმართება და მასში მონაწილეობას 1 200 გამომცემელი და 2 000 ავტორი იღებს. საქართველოს წელს პირველად მიეცა საშუალება, საკუთარი სტენდით ჩაერთოს საფესტივალო აქტივობებში.

ფესტივალში ეროვნული სტენდით მონაწილეობა საქართველოსთვის ძალიან მნიშვნელოვანია.

საფესტივალო აქტივობები მწერალთა სახლს, ქართველ მწერლებსა თუ გამომცემლებს დაეხმარება ლიტერატურული ურთიერთობების წარმართვაში, ქართული მწერლობის პოპულარიზაციაში, ახალი კონტაქტების მოძიებასა და მთარგმნელობითი საქმიანობის ხელშეწყობაში.

სრულად

გამოკითხვა

ვინ გაიმარჯვებს რუსეთ - უკრაინის ომში?

უკრაინა

რუსეთი

არ მაქვს პასუხი

ხმის მიცემა

სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.

კულტურა

სრულად

თბილისის თანამედროვე ხელოვნების ბაზრობა გაიხსნა

სრულად

კულტურის სამინისტრომ ანსამბლ „ერისიონს“ ტრადიციული სასცენო სამოსი გადასცა

სრულად