,
ზოგიერთი ოპოზიციური ძალა რასაც აკეთებს, რუსულ ინტერესებს ემთხვევა - პოლიტიკური სუბიექტები იმ დიქტატიდან უნდა გამოვიდნენ, რასაც საცივში თავის ჩაყოფა ჰქვია, - ამის შესახებ პარლამენტის პირველმა ვიცე-სპიკერმა გია ვოლსკიმ ჟურნალისტებთან განაცხადა.
მისივე თქმით, „ნაციონალური მიძრაობა“ საქართველოს ინტერესებზე პირდაპირ შეტევას ახორციელებს.
„ნაციონალური მოძრაობა" საქართველოს ინტერესებზე პირდაპირ შეტევას ახორციელებს, ეს ფაქტი არა მარტო ჩვენმა განცხადებებმა დაადასტურა. თვითონ ევროატლანტიკური ინტეგრაციის პროცესი სერიოზული ლაშქრობაა. რასაკვირველია, ამ ლაშქრობის მოთავე რუსეთის ფედერაცია, რომელსაც რეგიონში თავისი ინტერესები გააჩნია. სწორედ ამ ინტერესებს ემთხვება, რასაც დღეს ზოგიერთი ოპოზიციური ძალა აკეთებს.
მე ვფიქრობ, ამათი ლიდერი, „ნაციონალური მოძრაობა“ ამ თემებზეა ორიენტირებული, ჩვენ კიდევ შეკითხვების დასმას ვაგრძელებთ. მე ასე მგონია, რომ პოლიტიკური სუბიექტები, რომლებსაც თავისი ქვეყნის მიმართ სერიოზული განცდა და დამოკიდებულება აქვთ, იმ დიქტატიდან უნდა გამოვიდეს, რასაც საცივში თავის ჩაყოფა ჰქვია. მე მგონია, რომ ქვეყანაზე ფიქრი არ უნდა იყოს აშშ-ის სენატისთვისა და ევროკავშირისთვის დამახასიათებელი, მაშინ როცა პოლიტიკური სპექტრი თავისი საინფორმაციო საშუალებებით საპირისპირო პროცესებისკენ არიან მობილიზებული“, - განაცხადა ვოლსკიმ.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
