,
გერმანიის ელჩი ჰუბერთ ქნირში - „საქართველოში პოლიტიკურ მხარეებს შორის პოლარიზაცია იმდენად ძლიერი იყო, რომ დიპლომატების იქ ყოფნის გარეშე შეხვედრა და კომპრომისის მისაღწევად მუშაობა ვერ შეძლეს, ამიტომ შევითავსეთ ეს როლი“
„მთავარი პრობლემა, რომლის წინაშეც დავდექით, იყო ის, რომ საქართველოში პოლარიზაცია პოლიტიკურ მხარეებს შორის იმდენად ძლიერი იყო, რომ დიპლომატების იქ ყოფნის გარეშე მათ ვერ შეძლეს შეხვედროდნენ ერთმანეთს და კომპრომისის მისაღწევად ემუშავათ - სწორედ ამიტომ შევითავსეთ ეს (მედიატორების) როლი. დისკუსია საარჩევნო სისტემაზე იყო კონცენტრირებული, პირდაპირ არჩეული პარლამენტის წევრების რიცხვთან დაკავშირებულ კონსტიტუციურ ცვლილებაზე. საბოლოოდ, შეთანხმება 30 მაჟორიტარზე მოხერხდა, მაგრამ რიცხვი ინტენსიურად განიხილებოდა მთელი თვის განმავლობაში. სხვათა შორის, დიალოგის განმავლობაში აღმოჩნდა, რომ არსებული პოლარიზაცია არც ისე მძლავრი იყო და ადამიანებს, დიპლომატების თვალწინ, დასაბუთებული დიალოგი ჰქონდათ, იყენებდნენ რაციონალურ არგუმენტებს. ჩვენ დავინახეთ, რომ საქართველოს პოლიტიკაში ეს შესაძლებელია. გარკვეული მოთმინებით 8 მარტის შეთანხმებას მივაღწიეთ“, - ამის შესახებ გერმანიის ელჩმა, ჰუმბერტ ქნირშმა ჟურნალისტებთან შეხვედრაზე განაცხადა.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
