„დოიჩე ველეს“ ინფორმაციით, გერმანიაში კოვიდ-19-ის საწინააღმდეგო ვაქცინის კლინიკური შემოწმების ნებართვა გასცეს.  ცდების საწყის ეტაპზე, 18-დან 55 წლამდე ასაკის 200 ჯანმრთელ ადამიანს მიეცემა წამლის განსხვავებული დოზა, ხოლო მეორე ფაზაზე ფოკუსირება მოხდება უფრო მაღალი რისკის მქონე პირებზე.

გერმანული მედია წერს, რომ პოტენციური ვაქცინა, სახელწოდებით – „ბიენთი 162“ (BNT162) გერმანულმა ბიოტექნოლოგიურმა კომპანია „ბიოენტექმა“, ფარმაცევტულ გიგანტ კომპანია „პფიზერთან“ ერთად შექმნა.

საჭირო ნებართვის მიღების შემდეგ, „ბიენთი 162“-ის შემოწმება იგეგმება აშშ-იც.

ჯანმრთელობის მსოფლიო ორგანიზაციის ინფორმაციით, ამჟამად მსოფლიოში კოვიდ-19-ის სულ მცირე, 20 სხვადასხვა ვაქცინაზე მიმდინარეობს მუშაობა, მათ შორის ოთხი კლინიკურ ეტაპზეა.