გამრეკელის N10-12 ის მიმდებარედ, დასასვენებელი სივრცის რეაბილიტაცია დაიწყო
საბურთალოს რაიონის ინფრასტრუქტურული პროექტის ფარგლებში, პირველ ეტაპზე, დაზიანებული ინვენტარის დემონტაჟი მოხდა.
360 კვ. მ ფართობზე დამონტაჟდება ყველა შესაბამისი საპარკო ინფრასტრუქტურა, მოეწყობა საბავშვო-გასართობი სივრცე და სავარჯიშო მოედანი. აღნიშნულ ტერიტორიაზე, ასევე, მოეწყობა კიბე და პანდუსი.
დასკვნით ეტაპზე, ტერიტორია გამწვანდება, დაირგვება რულონური ბალახი და სხვადასხვა ჯიშის ხე-მცენარე.
პროექტის განსახორციელებლად ადგილობრივი ბიუჯეტიდან 233 637 ლარია გამოყოფილი.
სამუშაოებს საბურთალოს რაიონის გამგეობის დაკვეთით, კომპანია „შპს მონოლითი 2005“ ასრულებს.
საბურთალოს რაიონის გამგებელი გიზო ვასაძე მოსახლეობას შეხვდა და პროექტი მათთან ერთად განიხილა.
